+7 (701) 759 90 19
12 °С : نۇر-سۇلتان
17 °С : الماتى
USD 423.91 EUR 497.37
RUB 5.82 CNY 65.59
جاڭالىقتار

قازاقستاندا كونتەينەرمەن جۇك تاسىمالداۋ كولەمى ارتتى

30 شىلدە 16:27
:ءبولىسۋ
قازاقستاندا كونتەينەرمەن جۇك تاسىمالداۋ كولەمى ارتتى

نۇر- سۇلتان. قازاقپارات - ەلىمىزدە جۇك كونتەينەرى تاسىمالىنىڭ كولەمى ارتتى. بۇل تۋرالى «KTZ Express» ا ق كونتەينەرلىك تاسىمالداۋ قىزمەتى دەپارتامەنتىنىڭ ديرەكتورى ەرجان بايعوجين ءمالىم ەتتى، دەپ حابارلايدى قازاقپارات ءتىلشىسى.

«ءبىز «قىتاي - ەۋروپا» باعىتىنداعى جۇك كونتەينەرلەرىن ترانزيتتىك تاسىمالداۋ ءۇردىسىن ودان ءارى جالعاستىرۋدى جوسپارلاپ وتىرمىز. پاندەمياعا بايلانىستى الەم ەلدەرىندە شەكتەۋلەر ەنگىزىلگەنى ايان، وسى ورايدا قىتايدا دا ءتارتىپ قاتال. ياعني، بىزدە جۇكتىڭ جينالىپ قالۋ ماسەلەسى بار. دەگەنمەن جۇمىس توقتاپ تۇرعان جوق، ازداعان كارانتين شەكتەۋلەرى بار»، - دەدى ە. بايعوجين باسپا ءسوز تۋرى بارىسىندا.


ونىڭ ايتۋىنشا، ەلىمىزگە سىرتتان تاۋارلار كوبىنە قىتاي مەن ەۋروپا ەلدەرىنەن كەلەدى. «قازىر ەلىمىزدە ترانزيتتىك- لوگيستيكالىق تاسىمالداۋ ۇدەرىسى ارتتى، ويتكەنى اۆتوموبيل تاسىمالى جابىق ياعني حالىقارالىق تاسىمال جوقتىڭ قاسى. سوندىقتان دا بارلىق جۇك تاسىمالى تەمىرجول ارقىلى جۇزەگە اسىرىلادى. قازىرگى ۋاقىتتا تەمىرجول جۇك تاسىمالى تاۋلىك بويى تىنىمسىز جۇمىس ىستەپ تۇر. مەملەكەتتىك جانە جەكە كومپانيالاردىڭ كومەگىمەن كەز كەلگەن جۇكتى جەتكىزە الامىز. بۇگىندە جۇكتى كونتەينەر ارقىلى تاسىمالداۋ جوعارى سۇرانىسقا يە، سەبەبى ول وتە ىڭعايلى ءارى قاۋىپسىز. ايتار بولساق، جۇكتى قىتايدان الىپ كەلەدى، وسىنداعى لوگيستيكالىق تەرمينالدا قابىلداپ، ودان ءارى تاپسىرىس بەرۋشىگە جەتكىزەدى. ياعني، «ەسىك الدىنا دەيىن جەتكىزۋ» قاعيداتىمەن جۇمىس ىستەيدى. بۇل كونتەينەرمەن جۇك تاسىمالداۋدىڭ تيىمدىلىگىن كورسەتىپ وتىر»، - دەيدى ول.

«پاندەميا كەزىندە سىرت ەلدەن جۇك جەتكىزۋ ۋاقىتى ورتا ەسەپپەن 5 كۇندى قۇرادى. ال بۇرىن 12 كۇنگە دەيىن ۋاقىت الاتىن. مىسالى، قىتايدىڭ چۋنتسين قالاسىنان گەرمانيانىڭ دۋيسبۋرگ قالاسىنا تاۋار 11-12 كۇندە جەتكىزىلەدى. جانە جۇك كونتەينەرلەرى تەڭىز ارقىلى 50 كۇن ىشىندە جەتكىزىلسە، ءبىز تەمىرجول ارقىلى 12 كۇندە جەتكىزە الامىز. دەگەنمەن، پاندەمياعا بايلانىستى جەتكىزىلەتىن جۇكتىڭ كولەمى ارتتى، سايكەسىنشە جەتكىزۋ مەرزىمى دە 17-18 كۇنگە دەيىن سوزىلدى»، - دەدى ەرجان بايعوجين باسپا ءسوز تۋرى بارىسىندا.

اۆتور: ءالي يبرايەۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات