سەمەيدە سۋعا باتقان قىزدى قۇتقارامىن دەپ كوز جۇمعان جەتكىنشەكتىڭ اتا- اناسىنا مەدال بەرىلدى

None
None
سەمەي. قازاقپارات - سەمەي قالاسىندا سۋعا باتىپ بارا جاتقان قىزدى قۇتقارامىن دەپ كوز جۇمعان 14 جاستاعى جەتكىنشەكتىڭ اتا- اناسىنا مەدال بەرىلدى، دەپ حابارلايدى قازاقپارات ءتىلشىسى.

ش ق و ت ج د باسپا ءسوز قىزمەتىنىڭ مالىمەتىنە سۇيەنسەك، 29 -شىلدە كۇنى ق ر توتەنشە جاعدايلار ءمينيسترىنىڭ بۇيرىعىمەن ءاشىمجانوۆ نۇرجىگىت قۋانىش ۇلى قايتىس بولعاننان كەيىن «سۋعا باتقانداردى قۇتقارعانى ءۇشىن» مەدالىمەن ماراپاتتالدى.

ماراپاتتاۋ ءراسىمىن سەمەي قالاسىنىڭ توتەنشە جاعدايلار باسقارماسى باستىعىنىڭ مىندەتىن اتقارۋشى ەرنار جالەلوۆ وتكىزدى. ءوز سوزىندە ول بالانىڭ اتا- اناسىنا كوڭىل ايتىپ، باتىر ۇلدى تاربيەلەگەندەرىنە العىس ءبىلدىردى.

«وقيعا 30 - ماۋسىم كۇنى بولعان. نۇرجىگىت دوستارىمەن ەرتىس وزەنىنىڭ جاعاسىندا دەمالىپ جۇرگەندە سۋعا باتىپ بارا جاتقان قىزدى كورىپ قالادى. ءوزى جۇزە الماسا دا، ونى قۇتقارۋ ءۇشىن سۋعا سەكىرگەن. ءجۇزىپ جەتەدى دە قىزدى جاعاعا قاراي يتەرىپ جىبەردى. وسىلايشا، قىز امان قالعان. الايدا نۇرجىگىتتىڭ سۋدان شىعۋعا شاماسى جەتپەدى. ونى ەسىنەن تانىپ قالعان كەزدە سول ماڭداعى كۋاگەرلەر الىپ شىقتى»، - دەپ حابارلادى ۆەدومستۆو وكىلدەرى.

جەدەل جاردەم قىزمەتكەرلەرى كەلىپ جەتكەن سوڭ جەتكىنشەككە رەانيماتسيالىق شارالار قولدانعانىمەن، ونى قۇتقارۋ مۇمكىن بولمادى.

اۆتور: تالعاتجان مۇحامەتبەك ۇلى

سوڭعى جاڭالىقتار