توكيو وليمپياداسىنىڭ جۇلدەگەرلەرى اۆتوكولىكتەرمەن ماراپاتتالادى

نۇر- سۇلتان. قازاقپارات - قازاقستاننىڭ اۋىر اتلەتيكا فەدەراتسياسى توكيو وليمپياداسىنىڭ قولا جۇلدەگەرلەرى يگور سون مەن زۋلفيا چينشانلونى جاڭا Toyota Camry اۆتوموبيلدەرىمەن، سپورتشىلاردىڭ جەكە جاتتىقتىرۋشىلارى مەن قۇرامانىڭ باس باپكەرىن اقشالاي سىياقىمەن ماراپاتتايتىن بولدى.

سپورتشىلارعا اۆتوكولىك كىلتىن ق ر ا ا ف پرەزيدەنتى جانات تۇسىپبەكوۆ جاقىن ارادا نۇر- سۇلتان قالاسىندا تابىستايدى.

ەستەرىڭىزگە سالا كەتەيىك، توكيودا وتكەن وليمپيادا ويىندارىندا يگور سون 61 كەلىگە دەيىنگى ساناتتا قولا جۇلدەنى يەلەنسە، زۋلفيا چينشانلو 55 كەلىگە دەيىنگى ساناتتا ءۇشىنشى ورىندى يەلەندى.

سارسەنبى كۇنى كەشكە سپورتشىلار قازاقستانعا ورالىپ، ولاردى الماتى قالاسىنىڭ اۋەجايىندا سالتاناتتى قارسى الدى. سالتاناتتى شاراعا اۋىر اتلەتيكا فەدەراتسياسى مەن الماتى وبلىسى اكىمدىگىنىڭ وكىلدەرى، جانكۇيەرلەر مەن ب ا ق وكىلدەرى قاتىستى.