+7 (701) 759 90 19
7 °С : نۇر-سۇلتان
19 °С : الماتى
USD 424.92 EUR 500.09
RUB 5.87 CNY 65.92
جاڭالىقتار

پرەزيدەنتكە جاڭا وقۋ جىلىنا دايىندىق بارىسى تۋرالى ەسەپ بەرىلدى

29 شىلدە 20:01
:ءبولىسۋ
پرەزيدەنتكە جاڭا وقۋ جىلىنا دايىندىق بارىسى تۋرالى ەسەپ بەرىلدى

نۇر- سۇلتان. قازاقپارات - مەملەكەت باسشىسى ءبىلىم جانە عىلىم ءمينيسترى اسحات ايماعامبەتوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

قاسىم- جومارت توقايەۆقا ءبىلىم جانە عىلىم سالاسىن دامىتۋ جونىندەگى تاپسىرمالاردىڭ ورىندالۋى جانە جاڭا وقۋ جىلىنا دايىندىق بارىسى تۋرالى ەسەپ بەرىلدى. پرەزيدەنتكە ءداستۇرلى وقۋ فورماتىنا ورالۋ ءۇشىن جۇرگىزىلىپ جاتقان ۇيىمداستىرۋ شارالارى تۋرالى باياندالدى. مەملەكەت باسشىسىنا «ءبىلىمدى ۇلت» ۇلتتىق جوباسىنىڭ دايىندالۋى، جولداۋدا جانە ۇلتتىق قوعامدىق سەنىم كەڭەسىنىڭ وتىرىستارىندا بەرىلگەن پرەزيدەنت تاپسىرمالارىنىڭ ورىندالۋى جايىندا مالىمەت بەرىلدى. ۇلتتىق قوعامدىق سەنىم كەڭەسىنىڭ وتىرىستارىندا بەرىلگەن تاپسىرمالاردىڭ 43 پايىزى ءبىلىم جانە عىلىم سالاسىنا قاتىستى.

«وقۋعا قۇشتار مەكتەپ» جوباسىنىڭ اياسىندا مەكتەپ كىتاپحانالارىنىڭ قىزمەتىن قايتا قالىپتاستىرۋ جانە كوركەم ادەبيەت پەن بالالار ادەبيەتىن ساتىپ الۋ جۇمىستارى اتقارىلۋدا. سونداي- اق ەرەكشە قامقورلىقتى قاجەت ەتەتىن بالالاردى قولداۋ جۇمىستارى جۇرگىزىلىپ جاتىر. اسحات ايماعامبەتوۆ مەملەكەت باسشىسىنا ۆەدومستۆونى كاسىبي كادرلارمەن، سونىڭ ىشىندە، الەمنىڭ جەتەكشى ۋنيۆەرسيتەتتەرىنىڭ تۇلەكتەرىمەن جانە جاستار كادرلىق رەزەرۆىنىڭ مۇشەلەرىمەن كۇشەيتۋ ءۇشىن جۇرگىزىلىپ جاتقان جۇمىستار تۋرالى ايتتى. سونداي- اق ساپاسىز جوعارى وقۋ ورىندارىن جابۋعا قاتىستى پرەزيدەنت تاپسىرمالارىنىڭ ورىندالۋى جونىندە مالىمەت بەرىلدى. مەملەكەت باسشىسى مينيسترگە بۇل باعىتتاعى جۇمىستاردى كۇشەيتۋدى، سونداي- اق، ساپاسىز ۋنيۆەرسيتەتتەردىڭ ليسەنزياسىن قايتارىپ الۋ جانە ولاردىڭ جۇمىس ىستەۋىنە مەرزىم بەلگىلەۋ راسىمدەرىن جەڭىلدەتۋ ءۇشىن زاڭنامالىق تۇرعىدان تۇزەتۋلەر ەنگىزۋ ماسەلەسىن قاراستىرۋدى تاپسىردى. قاسىم- جومارت توقايەۆ مەملەكەتتىك جوعارى وقۋ ورىندارى قىزمەتكەرلەرىنىڭ ەڭبەكاقىسىن بيىلعى 1 -قىركۇيەكتەن باستاپ ارتتىرۋ ماڭىزدى ەكەنىن اتاپ ءوتتى. سونىمەن قاتار پرەزيدەنت وقۋشىلار اراسىندا وتەتىن حالىقارالىق وليمپيادالاردىڭ جەڭىمپازدارىن قولداۋ شارالارىن ازىرلەۋدى تاپسىردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات