+7 (701) 759 90 19
7 °С : نۇر-سۇلتان
19 °С : الماتى
USD 424.92 EUR 500.09
RUB 5.87 CNY 65.92
جاڭالىقتار

ليەۆيتتىڭ جەڭىلۋىنە تورەشى كىنالى، ءجۇسىپوۆ، نۇرداۋلەتوۆ جاۋاپكەرشىلىكتى كوتەرە المادى - ەرماحان ىبىرايىموۆ

29 شىلدە 17:57
:ءبولىسۋ
ليەۆيتتىڭ جەڭىلۋىنە تورەشى كىنالى، ءجۇسىپوۆ، نۇرداۋلەتوۆ جاۋاپكەرشىلىكتى كوتەرە المادى - ەرماحان ىبىرايىموۆ

نۇر- سۇلتان. قازاقپارات - «الماتى» وليمپيادالىق دايارلاۋ ورتالىعى ديرەكتورىنىڭ ورىنباسارى، ا ي ب ا حالىقارالىق فەدەراتسياسى كوميسسياسىنىڭ مۇشەسى ەرماحان ىبىرايىموۆ توكيو وليمپياداسىن جەڭىلگەن بوكسشىلارىمىزدىڭ ويىنىنا تالداۋ جاسادى، دەپ حابارلايدى قازاقپارات ءتىلشىسى.

«وليمپيادا ويىندارىنداعى سپورتشىلارعا الداڭى ۋاقىتتا تەك قانا جەڭىس تىلەي وتىرىپ، 91 كەلىدەگى ۆاسيلي ليەۆيتتىڭ ويىنىنا توقتالا كەتەيىن. ۆاسيلي ليەۆيت ەكىنشى راۋدتا يسپاندىق سپورتشىنىڭ سوققىسىنان قاتتى نوكداۋن الدى. بۇل ويىندى وتە جاقسى باقىلاپ وتىردىم. رينگتەگى تورەشى ءبىرىنشى سوققىدان كەيىن- اق ويىندى بىردەن توقتاتىپ، نوكداۋن ساناۋ كەرەك ەدى. رينگتەگى تورەشى مومەنتتى جىبەرىپ الدى جانە قارسىلاسىنا تاعى سوققى جاساۋىنا مۇمكىندىك بەردى. بۇل جەردە ءبىرىنشى كەزەكتە رينگتەگى تورەشىنى كىنالار ەدىم»، - دەدى وليمپيادا چەمپيونى ورتالىق كوممۋنيكاتسيالار قىزمەتىندە بريفينگتە.

سونىمەن بىرگە، سپيكەر ليەۆيتتىڭ قارسىلاسى ەممانۋەل رەيەس پلانىڭ يسپانيانىڭ ەمەس، كۋبانىڭ بوكسشىسى ەكەنىن ەسكە سالدى.

«ول يسپانيانىڭ ازاماتتىعىن قابىلداپ، سول ەلدىڭ اتىنان شىعىپ جاتىر. سوندىقتان بۇل وسال ەمەس، وتە مىقتى بوكسشى. جانە ۆاسيلي ليەۆيتتى ەش كىنالاۋعا بولمايدى، ول بار كۇشىن سالدى. ەندى ۆ. ليەۆيتكە ايتارىمىز، ەش ەڭسەسىن تۇسىرمەي، كەلەسى جارىستارعا جاقسىلاپ دايىندالۋى كەرەك»، - دەيدى ەرماحان ىبىرايىموۆ.

ەرماحان ىبىرايىموۆ 69 كەلى سالماق دارەجەسىندە سىنعا تۇسكەن ابىلايحان جۇسىپوۆكە تىم كوپ جاۋاپكەرشىلىك ارتىلدى دەپ ەسەپتەيدى.

«ابىلايحان ءجۇسىپوۆ پاندەميا كەزىندە ءبىر جىل بويى وليمپيادا ويىندارىن كۇتتى. بۇل پسيحولوگيالىق تۇرعىدا وتە اۋىر. سودان كەيىن 69 كەلى سالماق قازاقتاردىڭ سالماعى بولىپ سانالدى. ودان «التىن» الۋ پارىز سياقتى كورىنەتىن. قانشا دەگەنىمەن جاس بوكسشى وسىنداي ۇلكەن جاۋاپكەرشىلىكتى كوتەرە المادى، ويىندا وتە سىلبىر وينادى، سوزعان قولىمەن سوققى جاسامادى، قاشىقتى سەزىنبەدى. تەك توبەلەسە بەردى، اياق جاعىندا امەريكالىق بوكسشىدان جەڭىلىپ قالدى. ەڭ باستى سەبەپ - ۇلكەن جاۋاپكەرشىلىكتى كوتەرە الماعانى»، - دەپ باعالادى ە. ەرماحان ىبىرايىموۆ.

81 كەلىگە دەيىنگى سالماقتا بەكزات نۇرداۋلەتوۆ تە العاشقى جەكپە- جەگىندە رەسەيلىك يمام حاتايەۆتان جەڭىلدى.

«بەكزات نۇرداۋلەتوۆ سوزعان الدىڭعى قولىمەن مۇلدەم وينامادى. وزدەرىڭىز كوردىڭىزدەر، رەسەيلىك قارسىلاسىنىڭ بويى الدەقايدا قىسقا، ونى الستان- اق ۇرىپ تاستاۋعا بولار ەدى. ونى سانكت- پەتەربۋرگ قالاسىنداعى جارىستا ءوز ەلىندە جەڭگەن ەدى. بۇل جەردە تاعى ايتارىم، وليمپيادادا پسيحولوگيالىق تۇرعىدا ءوز- ءوزىن ۇستاي المادى، ءسويتىپ جەڭىلدى. وتە وكىنىشتى. ءبىراق قازاقستاننان ءالى ءتورت بوكشىسى شىعادى. سوندىقتان، قالعان بوكسشىعا سەنىم ارتامىز جانە ءالى دە قازاقستان بوكسشىلارى التىن- كۇمىس اكەلەدى دەگەن سەنىمىمىز مول»، - دەدى ەرماحان ىبىرايىموۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات