ب ۇ ۇ كوروناۆيرۋس ىندەتىن سۋپەر تاراتۋشى ەلدى اتادى
وسىلاي جالعاسا بەرسە، بۇكىل ايماققا ىندەت تاراتاتىن ەلگە اينالۋى مۇمكىن، دەپ حابارلايدى قازاقپارات The Guardian گازەتىنە سىلتەمە جاساپ.
ب ۇ ۇ- نىڭ ميانماداعى ادام قۇقىقتارى جونىندەگى ارنايى بايانداماشىسى توم ەندريۋستىڭ ءمالىم ەتۋىنشە، ەلدە كوروناۆيرۋس ىندەتى جىلدام تارالىپ جاتىر. ەلدەگى سوڭعى ۋاقىتتا تۋىنداعان كەلەڭسىز جاعدايلار COVID-19 ەپيدەمياسىنىڭ بۇكىل ايماققا تارالۋ قاۋپىن تۋدىرىپ وتىر.
اقپان توڭكەرىسىنەن بەرى ميانمادا ۆاكسيناتسيا باعدارلاماسى ىسكە اسپاۋدا، حالىق تەستىلەۋدەن وتكىزىلمەيدى جانە دارىگەرلەردىڭ ەرەۋىلىنە بايلانىستى اۋرۋحانالار جۇمىسى توقتاپ قالدى. سونداي-اق ۇيىمنىڭ ارنايى بايانداماشىسى ميانماداعى دارىگەرلەردىڭ ەرەۋىلگە شىققانىن، ولاردىڭ مەملەكەتتىك اۋرۋحانالاردا جۇمىس ىستەۋدەن باس تارتاتىنىن، قىسىم مەن قوقان-لوققىلارعا ۇشىراپ، ادامداردى جاسىرىن تۇردە ەمدەۋگە ءماجبۇر بولعاندىقتارىن اتاپ ءوتتى. قازىرگى تاڭدا ميانمادا حالىق مەديتسينالىق وتتەگىگە، كرەماتوريالار مەن ءمايىتحانالارعا كەزەكتە تۇر.