باس باپكەر بوكسشىلاردىڭ وليمپياداداعى جەڭىلىسىن ءتۇسىندىردى
«بەكزادقا تاكتيكا جەتىسپەدى. سوققى جىبەرىپ الدى، ال مۇنى تورەشىلەر كورىپ وتىر. ءبىرىنشى راۋندتا جەڭىلدى، ەكىنشى راۋندتا ەسە قايتاردى، ءۇشىنشى راۋند تەڭ ءوتتى دەۋگە بولادى. ءبىزدىڭ بوكسشى شابۋىلدى باستاپ، العا ۇمتىلعانىمەن، قايتا- قايتا قاباقتارى جارىلىپ، كەزدەسۋ توقتاتىلا بەردى. بەكزادتىڭ قارسىلاسى وتە مىقتى. وسى جەكپە- جەك ءۇشىن قاتتى الاڭداپ ەدىم. ۆاسيليي ليەۆيتكە كەلەر بولساق، ول جەڭۋگە تىرىستى، ءبىراق سوققىلاردى وتكىزىپ الدى. سەرىك ءوز مۇمكىندىگىن تولىق كورسەتتى. ازىرگە، ول الەم چەمپيوندارىمەن تايتالاسا المايدى. مۇنداي ءىرى دەڭگەيلى جارىستاردا سىنعا ءتۇسۋ ءۇشىن تاجىريبەسى جەتكىلىكسىز. بۇل بىزدەگى قيىن سالماقتاردىڭ ءبىرى. وليمپياداداعى بارلىق كەزدەسۋ وتە ماڭىزدى. وڭاي جەڭەتىن قارسىلاس جوق، سوندىقتان، ءوز كۇشىمىزگە سەنەمىز»، - دەدى باس باپكەر.
توكيو وليپياداسىندا ءتورت قازاقستاندىق بوكسشى جارىستى اياقتادى. ولار - سەرىك تەمىرجانوۆ (57 كەلى)، ابىلايحان ءجۇسىپوۆ (69 كەلى)، بەكزاد نۇرداۋلەتوۆ (81 كەلى)، ۆاسيلي ليەۆيت (91 كەلى). سونداي- اق ايەلدەر كومانداسىنىڭ جالعىز وكىلى نادەجدا ريابەتس تە ءبىرىنشى كەزدەسۋىندە كانادالىق سپورتشىعا جول بەردى.