تاعى ەكى قازاقستاندىق بوكسشى جەڭىلىپ قالدى
57 كەلىگە دەيىنگى سالماقتا سىنعا تۇسكەن سەرىك 1/8 فينالدا امەريكالىق ديۋك رەگانمەن كەزدەسكەن بولاتىن. جەكپە-جەكتە تەمىرجانوۆ 0:5 ەسەبىمەن قارسىلاسقا جول بەرىپ، توكيو وليمپياداسىن جۇلدەسىز اياقتادى.
سونىمەن قاتار، بوكستان توكيو وليمپياداسىندا قازاقستان كومانداسىنىڭ ۇزدىگى بەكزات نۇرداۋلەتوۆتە جەڭىلىپ قالدى. 81 كەلىگە دەيىنگى سالماقتا جۇدىرىقتاسقان بەكزات نۇرداۋلەتوۆ رەسەيلىك يمام حاتايەۆپەن كەزدەسكەن بولاتىن. تارتىستى كەزدەسۋدە تورەشىلەر 4:1 ەسەبىمەن جەڭىستى رەسەيلىك بوكسشى يمام حاتايەۆقا بەردى.
وسىلايشا، 2019 -جىلعى الەم چەمپيونى بەكزاد نۇرداۋلەتوۆ توكيو وليمپياداسىنداعى ءبىرىنشى جەكپە-جەگىندە جەڭىلىس تاپتى. ال قازاقستان بوكسشىلارى ساپىنان ءتورتىنشى سپورتشى وليمپيادانى اياقتادى.
ايتا كەتەلىك، بۇعان دەيىن ابىلايحان ءجۇسىپوۆ (69 كەلى) پەن ۆاسيلي لەۆيت (91 كەلى) توكيو وليمپياداسىمەن قوشتاستى.