سولتۇستىك قازاقستان وبلىسى ستۋدەنتتەرىنىڭ ا ق ش-تا ءبىلىم الاتىن مۇمكىندىگى بار
ا ق ش يراكتاعى اسكەري ميسسياسىن جىل سوڭىنا دەيىن توقتاتادى وڭىرگە ارىپتەستىك ورناتۋ ماقساتىندا اريزونا شتاتىنان دەلەگاتسيا كەلگەندىگى جونىندە سولتۇستىك قازاقستان وبلىسىنىڭ اكىمى قۇمار اقساقالوۆ ءوزىنىڭ الەۋمەتتىك جەلىدەگى پاراقشاسىندا جاريالادى.
«ءبىز اريزونا ۋنيۆەرسيتەتىمەن كەلىسسوز جۇرگىزىپ جاتىرمىز. بۇعان دەيىن امەريكالىق ارىپتەستەرىمىز بيىل مامىر ايىندا كەلگەن ەدى. ول جولى ءبىز ەكى ۋنيۆەرسيتەت اراسىندا ارىپتەستىك ورناتۋ جايىندا ءسوز قوزعادىق. ەندى دەلەگاتسيا كەڭەيتىلگەن قۇرامدا كەلىپ وتىر. ولار: اريزونا شتاتى كونگرەسىنىڭ سپيكەرى راسسەل باۋەرس، اريزونا ۋنيۆەرسيتەتىنىڭ پرەزيدەنتى روبەرت روبينس جانە وسى ۋنيۆەرسيتەتتىڭ اكادەميالىق ماسەلەلەر بويىنشا اعا ۆيتسە- پرەزيدەنتى جانە پرورەكتور ليزل فوكس»، - دەپ جازدى قۇمار اقساقالوۆ.
ءوڭىر باسشىسىنىڭ ايتۋىنشا، شەتەلدىك قوناقتار وبلىستاعى ماڭىزدى ءبىلىم بەرۋ نىساندارىندا: م. قوزىبايەۆ اتىداعى س ق ۋ-ىن، نازاربايەۆ ينتەللەكتۋالدى مەكتەبىن جانە «Digital Urpaq» وقۋشىلار سارايىندا بولدى.
دەلەگاتسيا «ابىلايحان رەزيدەنتسياسى» مۋزەي كەشەنىن جانە جاقىندا اشىلعان «Qyzyljar» ارت- ورتالىعىن ارالادى. بۇل جەرلەردى ارالاۋ ارقىلى امەريكالىقتار قازاق حالقىنىڭ مادەنيەتى مەن تاريحىنان، داستۇرلەرىنەن ماعلۇمات الدى. سونداي-اق قوناقتار YDA Group شەتەلدىك كومپانياسى سالىپ جاتقان كوپ سالالى اۋرۋحاناسىنىڭ قۇرىلىسىمەن تانىستى. «وڭىردە قولايلى ينۆەستيتسيالىق جاعداي جاسالعانىن ايتار ەدىم. ناتيجەسىندە شەتەلدىك كومپانيالار قىزىعۋشىلىق تانىتىپ جاتىر. ءقازىر م. قوزىبايەۆ اتىنداعى س ق ۋ-دى اريزونا ۋنيۆەرسيتەتىنە سەنىمگەرلىك باسقارۋعا بەرۋ ماسەلەسى قارالىپ جاتىر. بۇل امەريكالىق ۋنيۆەرسيتەت الەمنىڭ ۇزدىك 100 ۋنيۆەرسيتەتى قاتارىندا. وعان قوسىمشا ءبىزدىڭ ستۋدەنتتەردىڭ ەكى ديپلوم الىپ شىعۋ جانە امەريكالىق ۋنيۆەرسيتەتتە ءبىلىم الۋى مۇمكىندىگىن قاراستىرىپ جاتىرمىز»، - دەدى س ق و اكىمى قۇمار اقساقالوۆ.
اۆتور: اقەركە داۋرەنبەك قىزى