ەلوردادا بالالار كوروناۆيرۋسپەن ءجيى اۋىرا باستادى - ينفەكسيونيست دارىگەرى
بۇل تۋرالى №3 كوپبەيىندى قالالىق بالالار اۋرۋحاناسى ديرەكتورىنىڭ مەديتسينالىق ءبولىم جونىندەگى ورىنباسارى، ينفەكسيونيست دارىگەر روزا وتەگەنوۆا ايتتى، دەپ حابارلايدى قازاقپارات قالا اكىمدىگىنە سىلتەمە جاساپ.
«ياعني، وتباسىندا ەرەسەك ادام اۋىرسا، ءتىپتى جەڭىل ءتۇرى بولسا دا، وندا بالالاردىڭ بارلىعى دەرلىك جۇقتىرادى. بۇگىنگى كۇنى ينفەكتسيالىق ورتالىقتا ك ۆ ي جۇقتىرعان 110 نان استام بالا ەمدەلۋدە»، - دەيدى دارىگەر.
سونداي- اق، ول «دەلتا» شتامى وتە اگرەسسيۆتى ەكەنىن اتاپ ءوتتى، سوندىقتان بالالار ەرەسەكتەرگە قاراعاندا وڭاي جانە تەز جۇقتىرادى.
«بالالاردا اۋرۋ سيمپتوماتيكالىق ەمەس، كلينيكالىق ايقىن فورمالارعا دەيىن سوزىلادى. بالالارداعى نەگىزگى بەلگىلەر - ينتوكسيكاتسيا، دەنە قىزۋى، كاتارالدى كورىنىستەر بولۋى مۇمكىن. سوندىقتان، باستاپقىدا قاراپايىم ۆيرۋستى ينفەكسيالاردان ەش ايىرماشىلىعى جوق دەپ ايتا الامىز. ءبىراق ديناميكادان كەيىن اسقىنىپ كەتۋى ىقتيمال، سونىمەن قاتار سوزىلمالى اۋرۋلار بولعان كەزدە بالالاردا سوزىلمالى پاتولوگيالاردىڭ دەكومپەنساتسياسى باستالۋى مۇمكىن. وندايدا جاعداي ناشارلاپ كەتەدى»، - دەدى روزا وتەگەنوۆا.
سونداي- اق، دارىگەردىڭ پىكىرىنشە، كوپ نارسە بالانىڭ كوروناۆيرۋس جۇقتىرعانعا دەيىنگى دەنساۋلىعىنا بايلانىستى. ياعني، ەگەر ول ك ۆ ي- گە دەيىن ساۋ بولسا، اۋرۋ جەڭىلىرەك وتەدى.
«اۋرۋ اعىمىنىڭ ەرەكشەلىگى - ولاردىڭ ينفەكتسيالىق پروتسەسى كەز- كەلگەن كەزەڭدە اياقتالۋى مۇمكىن، ياعني بالا نە تەز ەمدەلىپ شىعادى نەمەسە بىردەن اۋىر تۇرىنە جەتەدى. ينكۋباتسيالىق كەزەڭ ەرەسەكتەردەگىدەي وتەدى: 4 تەن 14 كۇنگە دەيىن. الايدا، بالادا قوسىمشا اۋرۋى بولسا، ونىڭ جاعدايى جىلدام ناشارلاۋى نەمەسە ناشارلاماۋى مۇمكىن»، - دەيدى مامان.
ينفەكسيا اسقىناتىن نەگىزگى ورگان — ەرەسەكتەردەگى سەكىلدى وكپە. ءبىراق جۇرەك، باۋىر، اسقازان- ىشەك جولدارى بولۋى دا مۇمكىن. سول سياقتى اۋىر تۇرىندەگى سەپسيس پەن شوك جاعدايىنا دەيىن اكەلۋى مۇمكىن. سونداي- اق، بالالاردىڭ بىردەن بىرنەشە جۇيكە جۇيەسىنە اسەر ەتۋى مۇمكىن، بۇل دەنەگە تەرىس اسەر بەرەدى.
«اتا- انالاردىڭ بارىنە ساقتىق شارالارىن قاتاڭ ساقتاۋىن، اسىرەسە ۆاكسيناتسيادان ءوتۋى كەرەكتىگىن ايتقىمىز كەلەدى. نەگىزىنەن ەكپە الماعان وتباسىلاردىڭ بالالارى اۋىر تۇردە اۋىرادى. ۆاكسيناتسيا الىڭىز، ءوزىڭىزدى جانە بالالاردى قورعاڭىز! ويتكەنى، كىشكەنتاي بالالار وزدەرىنىڭ اۋىرىپ قالعانىن تۇسىنبەۋى مۇمكىن، ال كەيىن اۋرۋ اۋىر كۇيدە وتەدى»، - دەپ قورىتىندىلادى روزا وتەگەنوۆا.