تامىز ايىندا الماتىدا كۆي تارالۋى شارىقتاۋ شەگىنە جەتە مە

None
None
الماتى. قازاقپارات - الماتى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنبايەۆ بيىلعى جىلدىڭ 30 - قىركۇيەگىنە دەيىن الداعى ءۇش ايعا ارنالعان كوروناۆيرۋس بولجامىن ايتتى، دەپ حابارلايدى قازاقپارات.

نەگىزگى بولجامعا سايكەس، اۋرۋدىڭ شىڭى تامىزدىڭ ءبىرىنشى ونكۇندىگىندە بولادى، كۇنىنە 1600 گە جۋىق جاڭا جاعداي تىركەلەدى. پەسسيميستىك بولجامعا سايكەس، اۋرۋدىڭ شارىقتاۋ شەگى 10-11-تامىزعا كەلەدى، تاۋلىگىنە 1900 گە دەيىن جاڭا جاعداي تىركەلەدى. تامىز ايىندا - 34500 جاعداي، ال 2021 -جىلدىڭ قىركۇيەگىندە 4500 جاعداي تىركەلىپ، اۋرۋ كورسەتكىشى تومەندەيدى دەپ بولجانىپ وتىر.

«7 مىڭ ينفەكتيالىق توسەك- ورىن دايىندالدى. رەزەرۆتە قوسىمشا 3000 توسەك- ورىن بار. قيىن جاعداي ءۇشىن تاعى 2000 رەزەرۆتىك توسەك- ورىن ىزدەستىرىلۋدە. سونىمەن قاتار بالالار مەن ەرەسەكتەرگە، سونىڭ ىشىندە ونكولوگيالىق تۇرعىندارعا جەدەل جانە مامانداندىرىلعان مەديتسينالىق كومەك كورسەتۋ ءۇشىن بارلىق مامانداندىرىلعان كلينيكالار ساقتالعان. 6400 توسەك- ورىن بار»، - دەدى ناريمان تابىنبايەۆ.

ونىڭ ايتۋىنشا، 27-شىلدەدەگى جاعداي بويىنشا ستاتسيونارلاردا 3827 ناۋقاس جاتىر، ونىڭ 239 ى - بالالار. وتە اۋىر جاعدايداعى ناۋقاستار - 114. اۋىر جاعدايداعى ناۋقاستار - 956. ينفەكتسيالىق ستاتسيونارلاردا 500 رەانيماتسيالىق توسەك- ورىن بار. جۇمىس جۇكتەمەسى - %52 (260 پاتسيەنت) . وكپەنى جاساندى جەلدەتۋگە 29 پاتسيەنت قوسىلعان. وكپەنى ءينۆازيۆتى ەمەس جەلدەتۋدە - 105 ناۋقاس جانە High Flo-دا - 99 پاتسيەنت.

«شتاممدار اگرەسسيۆتى اسەر ەتۋدە، سونىڭ سالدارىنان ءولىم سانى ارتۋدا. بارلىق كەزەڭدە قايتىس بولعاندار سانى - 1092. بيىل 1-قاڭتار مەن 26-شىلدە ارالىعىندا 703 ادام قايتىس بولدى. كۆي- مەن كۇرەسكە 6212 مەديتسينا قىزمەتكەرى جۇمىلدىرىلدى. رەزەرۆتە 1700 دەن استام ادام بار. بۇل جۇمىس باقىلاۋعا الىنعان»، - دەدى قوعامدىق دەنساۋلىق ساقتاۋ باسقارماسىنىڭ باسشىسى.

سوڭعى جاڭالىقتار