گەرمانيانىڭ ليەۆەركۋزەن قالاسىنداعى حيميا زاۋىتىندا جويقىن جارىلىس بولدى
كەيبىر دەرەكتەر بويىنشا، اپات Bayer حيميا- فارماتسيەۆتيكا كومپانياسىنىڭ نىساندارىنىڭ بىرىندە بولعان. تاعى ءبىر دەرەكتە اپات Currenta حيميا كاسىپورنىندا، ياعني مۇناي بازاسىندا بولعان.
«اپات قوقىس ورتەيتىن زاۋىتتا بولعان» دەگەن بولجام بار. ازىرگە زارداپ شەككەندەر تۋرالى حابار تۇسپەگەن. كۋاگەرلەردىڭ ايتۋىنشا، وقيعا ورنىنان اسپانعا قارا ءتۇتىن بۋداقتاپ كوتەرىلگەن. ءتۇتىن بۋرشايد جانە لايحلينگەن باعىتىندا كوشكەن. بيۋرريگكە قۇتقارۋ قىزمەتتەرى كەلدى. ليەۆەركۋزەن پوليتسياسى تۇرعىنداردى پاتەرىنەن شىقپاۋدى، تەرەزە مەن ەسىكتى اشپاۋ كەرەكتىگىن ەسكەرتتى. FOCUS Online ءنىڭ دەرەگىنشە، ليەۆەركۋزەننىڭ كەلنگە اپاراتىن اۋدانىنداعى اۆتوماگيسترالدىڭ ءبىر بولىگى جابىلعان. ا پاتتىڭ سەبەبى ازىرگە بەلگىسىز. بولجام بويىنشا، اۋماعىندا جارىلىس بولعان حيميا زاۋىتىندا 5 مىڭنان اسا ءتۇرلى حيميكات وندىرىلەدى. ولاردىڭ قاتارىندا ازوتتاۋ جانە حلورلاۋ پروتسەستەرىنە ارنالعان زاتتار، حوش ءيىستى كومىرسۋتەكتەر، جەڭىل حيميكاتتار بار. كادەگە جاراتۋ جانە قايتا وڭدەۋ ورتالىعىندا حيميالىق لاستانعان قاۋىپتى قالدىقتار قايتا وڭدەلەدى.