قاسىم- جومارت توقايەۆ كومباين قۇراستىراتىن كاسىپورنعا باردى
مەملەكەت باسشىسى اۋىل شارۋاشىلىعى تەحنيكالارى مەن تراكتورلار قۇراستىراتىن سەحتى ارالاپ كوردى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
كومپانيا ديرەكتورى قايرات قالمانبايەۆتىڭ ايتۋىنشا، بىلتىر 29,5 ميلليارد تەڭگەگە 504 كومباين شىعارىلعان. بيىل جىل سوڭىنا دەيىن 598 كومباين جانە YTO ماركالى 300 دوڭگەلەكتى تراكتوردىڭ ءتورت ءتۇرىن شىعارۋ جوسپارلانىپ وتىر. قازىرگى تاڭدا كاسىپورىندا 162 ادام ەڭبەك ەتەدى. مەملەكەت باسشىسى كومپانيانىڭ شىعارىپ جاتقان ءونىمى قازاقستاننىڭ سولتۇستىك وڭىرىندەگى تىڭ جەرلەر ءۇشىن ماڭىزدى ەكەنىن اتاپ ءوتتى.
- اۋىل شارۋاشىلىعى ماشينالارىن جاساۋ ءبىز ءۇشىن باسىم باعىت سانالادى. ۇكىمەت اۋىل شارۋاشىلىعى ماسەلەلەرىمەن اينالىسۋى قاجەت. الەمدە نە بولىپ جاتقانىن كورىپ وتىرسىزدار. ازىق- تۇلىكتىڭ باعاسى 40 پايىزعا قىمباتتادى. ءبىز ەلىمىزدەگى باعانى ۇستاپ تۇرۋعا تىرىسامىز. ءبىراق بۇل وڭاي ەمەس. اتالعان ماسەلەلەردى شەشەمىز. ارينە، قازاقستان اۋىل شارۋاشىلىعى دامىعان ەل بولۋى ءتيىس. ءبىز ءىس جۇزىندە ءوزىمىزدى اۋىل شارۋاشىلىعى ونىمدەرىمەن تولىق قامتاماسىز ەتۋگە كوشۋىمىز كەرەك. قازىر ءىرى كومپانيالارمەن جانە ينۆەستورلارمەن جۇمىس ىستەپ جاتىرمىز، - دەدى پرەزيدەنت.
