+7 (701) 759 90 19
3 °С : نۇر-سۇلتان
23 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

توقايەۆ جارلىققا قول قويدى: قوسشى قالا ستاتۋسىنا يە بولدى

27 شىلدە 08:40
:ءبولىسۋ
توقايەۆ جارلىققا قول قويدى: قوسشى قالا ستاتۋسىنا يە بولدى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ اقمولا وبلىسىنىڭ اكىمشىلىك- اۋماقتىق قۇرىلىسىنداعى وزگەرىستەر تۋرالى جاڭا جارلىعى جاريالاندى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

اتالمىش قۇجاتقا سايكەس، اقمولا وبلىسى سەلينوگراد اۋدانىنىڭ قوسشى اۋىلى وبلىستىق ماڭىزى بار قالا ساناتىنا جاتقىزىلاتىن بولادى. اقمولا وبلىسىنىڭ اكىمشىلىك- اۋماقتىق قۇرىلىسىنداعى وزگەرىستەر تۋرالى «قازاقستان رەسپۋبليكاسىنىڭ اكىمشىلىك- اۋماقتىق قۇرىلىسى تۋرالى» 1993 -جىلعى 8-جەلتوقسانداعى قازاقستان رەسپۋبليكاسى زاڭىنىڭ 9-بابىنا سايكەس قاۋلى ەتەمىن: اقمولا وبلىسىنىڭ سەلينوگراد اۋدانى ودان قوسشى اۋىلىن ءبولۋ جولىمەن قايتا ۇيىمداستىرىلسىن.

اقمولا وبلىسى سەلينوگراد اۋدانىنىڭ قوسشى اۋىلى وبلىستىق ماڭىزى بار قالا ساناتىنا جاتقىزىلسىن. قازاقستان رەسپۋبليكاسىنىڭ ۇكىمەتى وسى جارلىقتىڭ 1 جانە 2-تارماقتارىن ىسكە اسىرۋ جونىندە قاجەتتى شارالار قابىلداسىن. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق. توقايەۆ

نۇر-سۇلتان، اقوردا، 2021 -جىلعى 26-شىلدە № 629



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات