+7 (701) 759 90 19
4 °С : نۇر-سۇلتان
14 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

اقتاۋلىقتار جاسىل جەلەكتى سۋارۋدىڭ جاڭا جۇيەسىن ويلاپ تاپتى

26 شىلدە 22:47
:ءبولىسۋ
اقتاۋلىقتار جاسىل جەلەكتى سۋارۋدىڭ جاڭا جۇيەسىن ويلاپ تاپتى

اقتاۋ. قازاقپارات - اقتاۋلىق بەلسەندىلەر كونديتسيونەردەن شىققان سۋدى ءتيىمدى پايدالانۋ ءۇشىن سۋارۋدىڭ جاڭا جۇيەسىن ويلاپ تاپتى، دەپ حابارلايدى قازاقپارات ءتىلشىسى.

بەلسەندىلەردىڭ ايتۋىنشا، كەز كەلگەن سپليت جۇيەسىندە درەناج ارناسى بار. كوندەنساتسيالانعان سۇيىقتىق ارنايى تۇتىك ارقىلى شىعارىلادى. وتكەن اپتادا الەكسەي دجۋبانوۆ باستاعان ءبىر توپ بەلسەندى وسى سپليت جۇيەسىنەن بولىنگەن سۋدى ءۇي الدىنداعى تالدار مەن جاسىل جەلەكتى سۋارۋعا پايدالانۋ جوباسىن قولعا الدى. العاشقى جۇيە اقتاۋداعى 27-شاعىناۋدان 15-تۇرعىن ۇيگە ورناتىلدى.

«كونديتسيونەر سۋىمەن كوگال سۋارۋ - ەڭ ۇتىمدى ءادىس. سۋ تازا، قۇرامىندا كوممۋنالدىق سۋداعى حيميالىق زاتتاردىڭ ەشقايسىسى جوق. وتكەن اپتادا 15-ۇيگە وسى جۇيەنى ورناتتىق. ول تۇرعىن ۇيدە بارلىعى 17 كونديتسيونەر بار. جۇيەنى 2 كىرەبەرىسكە بەكىتتىك. الدىمەن ءبىرىنشى كىرەبەرىسكە - 10 كونديتسونەردى، ەكىنشى كىرەبەرىسكە 7 كونديتسونەردى بىرىكتىرىپ، ورناتتىق. وعان پلاستيكالىق قۇبىرلار مەن تسيستەرنا پايدالانىلدى. تسيستەرنا كولەمى - 300 ليتر»، - دەيدى ا. دجۋبايەۆ. بۇل وسىمدىكتەرگە ارنالعان اينالمالى كوندەنساتسيانى قولدانۋ كەزىندە سۋدى ءسۇزۋ نەمەسە تۇندىرۋ قاجەت ەمەس.

«پاتەرلەر سۋ جيناۋ ءۇشىن قاراپايىم ىدىستاردى پايدالانىپ وتىر. سونىمەن قاتار، جينالعان سۋدىڭ ىدىستا تولىپ كەتپەۋىن باقىلاۋعا تۋرا كەلەدى. ال، بۇل جۇيە ارقىلى سۋ تىكەلەي ءۇي الدىنداعى وسىمدىكتەرگە جەتەدى. وسىلايشا تۇرعىندار ءۇيىنىڭ الدىنداعى تالداردى تەگىن سۋارا الادى»، - دەيدى تۇرعىن. سپليت جۇيەسى ورتاشا ءبىر پاتەردەن ساعاتىنا 1 دەن 3 گاللونعا دەيىن نەمەسە 3,8 دەن 11,4 ل دەيىن سۋ شىعارادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات