+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

نۇر-سۇلتاندا ۆاكسينا العاندار اراسىندا ەكى بولمەلى پاتەر ويناتىلادى

26 شىلدە 21:50
:ءبولىسۋ
نۇر-سۇلتاندا ۆاكسينا العاندار اراسىندا ەكى بولمەلى پاتەر ويناتىلادى

نۇر- سۇلتان. قازاقپارات - نۇر- سۇلتاندا ۆاكسيناتسيالانعاندار اراسىندا ەكى بولمەلى پاتەر ويناتىلادى.

پاتەر ۇتىسىنىڭ ويىنىنا 25 -ماۋسىم مەن 31 -تامىز ارالىعىندا ۆاكتسينانىڭ ءبىرىنشى كومپونەنتىن العان 18 جاستان اسقان قالا تۇرعىندارى قاتىسادى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

ونىڭ قورىتىندىسى قىركۇيەك ايىنىڭ باسىندا جاريالانادى. ۇتىس ويىنىنا قاتىسۋ اۆتوماتتى تۇردە جۇرگىزىلەدى، ۆاكتسينا العاندارعا قۇجات تولتىرۋ تالاپ ەتىلمەيدى. وعان قالاداعى كەز كەلگەن ۆاكسيناتسيا پۋنكتىندە ەكپە العاندار قاتىسادى. ۇتىس ويىنىنىڭ جەڭىمپازدارىن انىقتاۋ ءۇشىن Birge پلاتفورماسىندا ارنايى راندومايزەر سەرۆيسى ورناتىلعان، ول جۇلدە يەلەرىن ۆاكسيناتسيادان وتكەندەردىڭ ID گەنەراتسياسىمەن تاڭدايدى. ونى ازىرلەۋگە IT- قاۋىمداستىق اتسالىستى. بۇل سەرۆيس ق ر دەنساۋلىق ساقتاۋ مينيسترلىگىنىڭ اقپاراتتىق جۇيەسىمەن بىرىكتىرىلگەن. ال MEGA Silk Way س و و ۆاكسيناتسيا پۋنكتىندە ەكپە العاندار اراسىندا اۆتوموبيل ۇتىسى وتەدى. سونىمەن قاتار، نۇر- سۇلتان قالاسىنىڭ اكىمدىگى اپتا سايىن تىكەلەي ەفيردە iPhone12 جانە باسقا دا باعالى سىيلىقتاردىڭ ۇتىس ويىنىن وتكىزەدى.

باعالى سىيلىقتىڭ ءبارى دەمەۋشىلەر ەسەبىنەن ويناتىلادى. ۇتىس ويىندارى ازاماتتاردى ۆاكسينا الۋعا ىنتالاندىرۋ ءۇشىن وتكىزىلەدى. سانيتارلىق نورمالار مەن ۆاكتسيناتسيا ءسىزدىڭ دەنساۋلىعىڭىزدى، اينالاڭىزدى جانە جاقىندارىڭىزدىڭ دەنساۋلىعىن قورعاۋعا مۇمكىندىك بەرەدى. ۆاكسيناتسيا ارقىلى عانا ۇجىمدىق يممۋنيتەت قالىپتاسادى. ۇجىمدىق يممۋنيتەت ەلوردا مەن تۇرعىندارىن ەشبىر شەكتەۋسىز، كارانتينگە دەيىنگى قالىپتى رەجيمگە قايتا ورالۋعا مۇمكىندىك بەرەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات