تارازدا جالعان پ ت ر انىقتاما جاساپ ساتقان ەمحانا مەدقىزمەتكەرى ۇستالدى

تاراز. قازاقپارات - تارازدا پ ت ر تەست انىقتاماسىن قولدان جاساعان مەدقىزمەتكەر ۇستالدى، دەپ حابارلايدى قازاقپارات.

جامبىل وبلىسىنىڭ پوليسيا دەپارتامەنتى پ ت ر تەست پەن ۆاكتسيناتسيا پاسپورتىن قولدان جاساعانداردى انىقتاۋ ماقساتىندا ءىس- شارالار كەشەنىن جۇرگىزىپ جاتىر.

سونىڭ اياسىندا پ ت ر تەستىڭ تەرىس ناتيجەسى بار انىقتامانى قولدان جاساعان ەمحانا قىزمەتكەرى ۇستالدى. بۇگىنگى تاڭدا قىلمىستىق كودەكستىڭ 385-بابى 1-ءبولىمى بويىنشا تەرگەۋ ءجۇرىپ جاتىر. 26 جاستاعى مەدقىزمەتكەر جالعان قۇجات جاساعانى ءۇشىن اقشا الماعانىن جانە بۇل جاعداي ءبىرىنشى مارتە بولىپ وتىرعانىن مالىمدەدى.

ونىڭ ءسوزىنىڭ راس- وتىرىگى تەرگەۋ كەزىندە انىقتالادى. ال وسى انىقتامانى قولدانعان 47 جاستاعى ايەلدىڭ ۇستىنەن ق ك 385-بابى 3- ءبولىمى بويىنشا قىلمىستىق ءىس قوزعالعان.

ەسكە سالا كەتەيىك، قازاقستاندا جالعان قۇجات جاساعاندارعا - 4 جىلعا دەيىن باس بوستاندىعىنان ايىرۋ، ال ونى قولدانعاندارعا - 40 تاۋلىككە دەيىن قاماۋ جازاسى قاراستىرىلعان.