+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

وليمپيادا: بوكسشى ءابىلحان امانقۇلدىڭ قارسىلاسى انىقتالدى

26 شىلدە 20:01
:ءبولىسۋ
وليمپيادا: بوكسشى ءابىلحان امانقۇلدىڭ قارسىلاسى انىقتالدى

توكيو. قازاقپارات - جاپونيا استاناسى توكيو قالاسىندا ءوتىپ جاتقان وليمپيادا ويىندارىندا قازاقستاندىق بوكسشى ءابىلحان امانقۇلدىڭ قارسىلاسى انىقتالدى، دەپ حابارلايدى قازاقپارات.

ايتا كەتەيىك، ول 75 كەلىدە جارىستىڭ ءبىرىنشى ىرىكتەۋ ساتىسىنا قاتىسقان جوق. ەندى ول ەكىنشى ىرىكتەۋ ساتىسىندا وزبەكستاننان كەلگەن فانات كاحرامونوۆپەن قولعاپ تۇيىستىرەتىن بولدى. وزبەك بوكسشىسى بۇگىن گرۋزيالىق گەورگيي حارابادزەنى جەڭىپ، جارىستى جالعاستىرۋعا مۇمكىندىك الدى. قازاق جانە وزبەك بىلعارى قولعاپ شەبەرلەرىنىڭ جەكپە- جەگى 29-شىلدەگە بەلگىلەنگەن.

قارسىلاستار بىلتىر يوردانيا استاناسى اممان قالاسىنداعى ليتسەنزيالىق تۋرنيردە كەزدەسىپ، ول جولى قازاقستاندىق بوكسشىنىڭ مەرەيى ۇستەم بولعان ەدى. ايتا كەتەيىك، وليمپيادادا 57 كەلىدە جۇدىرىقتاسقان سەرىك تەمىرجانوۆ ءبىرىنشى جەكپە- جەكتە ۆەنگريالىق رولاند گالوشتىڭ وسال تۇسىن تاپتى. ال، 63 كەلىدە زاكير سافيۋللين پەرۋلىك لەودان پەسو سابويانى جەڭىپ، جارىستىڭ كەلەسى ساتىسىنا جولداما الدى. سونداي- اق، ساكەن بيبوسىنوۆ (52 كەلى) العاشقى جەكپە- جەگىندە پۋەرتو- ريكو ەلىنەن كەلگەن يانكەل ريۆەرا فيگەرونى قاپى قالدىرىپ كەتتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات