قازاقستاندىق «مەرگەن» فيلمى كانادادا وتەتىن فەستيۆالگە قاتىسادى

None
None
نۇر- سۇلتان. رەجيسسەر- دەبيۋتانت رايىمبەك ءالجانوۆتىڭ «مەرگەن» اتتى قىسقامەتراجدى فيلمى جانرلىق كينولارعا ارنالعان الەمدەگى بەدەلدى فەستيۆالدەردىڭ ءبىرى - حالىقارالىق Fantasia كينوفەستيۆالىنە قاتىسادى، دەپ حابارلايدى قازاقپارات.

اتالعان كينو بايقاۋى 2-25-تامىز ارالىعىندا كانادادا وتەدى. كينوتۋىندىنى ق ر مادەنيەت جانە سپورت مينيسترلىگى تاپسىرىسى بويىنشا «ۇلتتىق كينونى قولداۋ ورتالىعى» كەاق قولداۋىمەن ش. ايمانوۆ اتىنداعى «قازاقفيلم» ا ق تۇسىرگەن. «مەرگەن» ءيلمىنىڭ العاشقى كورسەتىلىمى Fantasia كينوفەستيۆالى شەڭبەرىندە وتەتىنىنە وتە قۋانىشىتىمىز. مونتاجداۋ جۇمىستارى اياقتالا سالىسىمەن فيلمدى وسى بايقاۋعا جىبەردىك. وسى ورايدا ماعان قولداۋ ءبىلدىرىپ، ءفيلمنىڭ شىعۋىنا اتسالىسقان بارلىق ءتۇسىرۋ توبىنا ەرەكشە العىسىمدى بىلدىرگىم كەلەدى، - دەدى رەجيسسەر رايىمبەك ءالجانوۆ.

فيلمنىڭ وقيعاسى XVII عاسىرداعى ۇلى دالاداعى سوعىس كەزىندە ءوربيدى. اتالعان فيلمدە جاس تا بولسا، قولىنا قارۋ الىپ، وتباسىن قوعاۋعا بەل بۋعان مەرگەن ەسىمدى بالانىڭ ءومىرى باياندالادى. فيلمدەگى باستى ءرولدى ءاليحان ءابي سومدايدى. سونداي- اق بۇل كارتيناعا رايحان ايتقوجانوۆا جانە دۋلىعا اقمولدا سىندى تانىمال اكتەرلەر تۇسكەن.

فيلمنىڭ ءتۇسىرۋ جۇمىستارى الماتى وبلىسىنداعى تۇرگەن شاتقالىندا جانە «قازاقفيلم» پاۆيلوندارىندا جۇرگىزىلدى. وسىمەن 25- رەت وتكىزىلىپ جاتقان Fantasia حالىقارالىق كينوفەستيۆالى - الەمدەگى جانرلىق فيلمدەرگە ارنالعان بىردەن ءبىر بايقاۋ. اتالعان كينوفەستيۆال شەڭبەرىندە كۆەنتين تارانتينو تۇسىرگەن «بەسسلاۆنىە ۋبليۋدكي»، تيمۋر بەكمامبەتوۆتىڭ «نوچنوي دوزور»، سونداي- اق «پۋنكت نازناچەنيا» فرانشيزاسىنىڭ ءبىر ءبولىمىنىڭ تۇساۋى كەسىلگەن بولاتىن.

ايتا كەتسەك، فەستيۆالدىڭ Radical Spirit اتتى قىسقامەتراجدى فيلمدەرگە ارنالعان بايقاۋىنا قازاقستاندىق كينوتۋىندىمەن بىرگە ۇلى بريتانيا، مەكسيكا، اۆستراليا، ا ق ش، قىتاي جانە وڭتۇستىك كورەيا تۋىندىلارى قاتىسادى.



سوڭعى جاڭالىقتار