+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

تانىمال جۋرنال قازاقستان كومانداسىنىڭ فورماسىن ەڭ ءساندى ديزايندار قاتارىنا قوستى

26 شىلدە 16:54
:ءبولىسۋ
تانىمال جۋرنال قازاقستان كومانداسىنىڭ فورماسىن ەڭ ءساندى ديزايندار قاتارىنا قوستى

نۇر- سۇلتان. قازاقپارات – توكيوداعى وليمپيادا ويىندارىنىڭ اشىلۋ سالتاناتىندا جانكۇيەرلەردى قازاقستان قۇراماسىنىڭ كيىم ۇلگىسى تاڭداي قاقتىرعان، دەپ حابارلايدى «حابار 24».

ەلىمىزدىڭ كوك بايراعىن كوتەرىپ شىققان ولگا رىپاكوۆانىڭ كيىم ۇلگىسىن كوپشىلىك جىلى قابىلدادى. ادەمى كويلەك سپورتشىنىڭ اجارىن ودان ءارى اشا ءتۇستى. شەتەلدىك جانكۇيەرلەر دە وليمپيادا چەمپيونىنىڭ كويلەگىن جوعارى باعالاپ، ماقتاۋ سوزدەرىن جاۋدىرىپ جاتىر.

ەل تۋىن كوتەرىپ شىققان ولگا رىپاكوۆانىڭ قازاقشا ستيلدەگى كويلەگى الەم جانكۇيەرلەرىنىڭ جوعارى باعاسىنا يە بولدى. سپورتشىنىڭ سىمباتىن ايشىقتاعان كويلەك شەتەلدىك جانكۇيەرلەردىڭ قىزىعۋشىلىعىن تۋدىردى. ولار الەۋمەتتىك جەلىدە وليمپيادا چەمپيونىنىڭ كيىم ۇلگىسىن ماقتاپ، پىكىر جازعان.

باقىتجان سۇيندىقوۆ، جاپونياداعى ق ر ەلشىلىگىنىڭ كەڭەسشىسى:

- سونداي- اق سپورتشى الەۋمەتتىك جەلىدە تاعى ءبىر جەتىستىگىمەن ەرەكشەلەندى. «ۆەيبو» قوسىمشاسىنىڭ پايدالانۋشىلارى سكرينشوت جاريالاعان. وندا رىپاكوۆا قىتايدىڭ الەۋمەتتىك جەلىلەرىندە ىزدەۋ سۇرانىسى بويىنشا توپ-3-كە ەنگەن. «قازاقستاندىق تۋ ۇستاۋشى قىز» حەشتەگىمەن جاريالانعان جاريالانىمدار 260 ميلليونعا جۋىق قارالىم جيناعان.

ەسكە سالا كەتەيىك، تانىمال Forbes جۋرنالى قازاقستان كومانداسىنىڭ فورماسىن ەڭ ءساندى ديزايندار قاتارىنا قوسقان. اۆتور ەلىمىزدىڭ وليمپيادا قۇراماسىنىڭ فورماسىن سيپاتتاي وتىرىپ، تۇستەردىڭ ءساتتى ۇيلەسىمىن جانە ەڭ باستىسى جوبادان كوماندالىق ەڭبەكتىڭ كورىنىپ تۇرعانىن اتاپ ءوتتى. ۇزدىك فورمالار تىزىمىنە بىزدەن بولەك، ا ق ش، ليبەريا، رەسەي، چەحيا، قىتاي، وڭتۇستىك افريكا جانە جاپونيا قۇرامالارى ەنگەن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات