+7 (701) 759 90 19
9 °С : نۇر-سۇلتان
21 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

گيزاداعى پيراميدانىڭ تۇبىنەن حەوپستىڭ كەمەسى تابىلدى

26 شىلدە 13:55
:ءبولىسۋ
گيزاداعى پيراميدانىڭ تۇبىنەن حەوپستىڭ كەمەسى تابىلدى

نۇر- سۇلتان. قازاقپارات - ەگيپەتتە گيزاداعى پيراميدانىڭ تۇبىنەن ارحەولوگتار پەرعاۋىن حەوپستىڭ كەمەسىن تاپتى. ونى كۇن قايىعى دەپ اتايتىن. ماماندار بۇل قايىقتى 15 جىل بويى ىزدەگەن.

پەرعاۋىن حەوپستى سوڭعى ساپارىنا اتتاندىرعان قايىعىن ارحەولوگتار وتكەن عاسىردىڭ 1950 -جىلدارى تاپقان بولاتىن. سوندا پيراميدالار تۇبىندە تاعى ءبىر ۇڭگىردى كورگەن. ءبىراق وپىرىلىپ قالادى دەپ، قازۋعا باتا الماعان. تەك ەكى مىڭىنشى جىلداردىڭ باسىندا ارنايى تەحنيكامەن، جۇمىسقا كىرىسىپ كەتتى. 15 جىلدان كەيىن عالىمدار ارنايى شۇقىردان كەمەنى تىرەگەن 2 مىڭعا جۋىق اعاش بولشەگىن شىعارىپ الدى.

حيشام شاكوش، ارحەولوگ:

- العاش رەت عالىمدار بۇعان 80 جىلداردىڭ سوڭىندا جاقىندادى. ارنايى راداردىڭ كومەگىمەن ۇڭگىردى قاشىقتان زەرتتەپ، وندا ەكىنشى قايىقتىڭ بولشەكتەرىن كوردى. ول بىرىنشىدەن گورى كىشى جانە ناشار ساقتالعان. جادىگەردى بۇلدىرمەي سىرتقا شىعارۋ ءۇشىن زەرگەرلەرگە ءتان شەبەرلىك قاجەت بولدى. بۇل جوباعا 10 ميلليون دوللاردان اسا قارجى ءبولىندى. جۇمىس ۇزاق جىلدارعا جالعاسىپ، تەك قازىر عانا ناتيجەگە جەتتىك.

حەوپس كەمەسى ەجەلگى ەگيپەت داۋىرىنەن قالعان قايىقتاردىڭ ەڭ ۇلكەنى ءارى جەتىلگەنى. بولشەكتەرىندە ساقتالعان جازۋلار مەن قابىرىندەگى بەدەرلى سىزبالارعا قاراپ بۇل قايىقتىڭ ءوز ەرەكشەلىكتەرى بولعانىن كورسەتەدى. پەرعاۋىن دەنەسىن سالقىندا ۇستاۋ ءۇشىن جەلدەتۋ جۇيەسى بولعان.

حامزا حاكيم، ارحەولوگ:

- ەجەلگى ەگيپەت تۇرعىندارى ءوز ءداۋىرىنەن وزعان كەمەڭگەر ينجەنەرلەر بولعانى بەلگىلى. نيل وزەنىمەن پەرعاۋىن دەنەسىن جەتكىزۋ ءۇشىن كەز كەلگەن كەمە قولدانىلعان جوق. حەوپس قايىعىن ونى جەرلەۋ ءۇشىن ارنايى جاسالعان. ازىرشە ءبىز تەك ساقتالىپ قالعان سۋرەتتەرگە سۇيەنىپ وتىرمىز. ءبىراق جاڭا تابىلعان جادىگەرلەر كەمە جابدىعى، ءمايىت قالاي بالزامدالعانى جانە پەرعاۋىندى سوڭعى ساپارىنا كىم شىعارىپ سالعانىن بىلۋگە كومەك بەرەدى دەپ ويلايمىن.

پيراميدالار تۇبىندە تابىلعان ەكسپوناتتاردىڭ بارلىعى مۇراجاي زەرتتەۋشىلەرىنە تابىستالدى. مۇقيات زەرتتەگەننەن كەيىن عالىمدار مىڭداعان جىلدا ءشىرىپ كەتكەن قايىقتى قايتادان قۇراستىرۋعا تىرىسادى. وسىدان كەيىن ول ەگيپەتتىڭ ۇلكەن مۋزەيىندە قويىلادى. مۇنداعى ورتالىق زالداردىڭ ءبىرىن تەك حەوپس كەمەلەرىنە بولەدى.

www.24.kz




#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات