جاسءوسپىرىمنىڭ ۇشاقپەن جول ورتاسىنا شۇعىل قونعانى ۆيدەوعا ءتۇسىرىلدى

نۇر-سۇلتان. قازاقپارات – ا ق ش- تا ۇشاققا وتىرعان جاس ءوسپىرىم شۇعىل تۇردە كولىك جولىنىڭ ورتاسىنا قونىپ، امان قالدى.

ۇشاقتىڭ قونعان جەرى ۆيدەوعا ءتۇسىرىلدى جانە ونى Fox 29 Philadelphia YouTube ارناسى جاريالادى، - دەپ حابارلايدى Kaz.tengritravel.kz ءتىلشىسى.

وقيعا دۇيسەنبىدە، 19-شىلدەدە جەرگىلىكتى ۋاقىت بويىنشا ساعات 12:30-دا بولدى. 18 جاستاعى ۇشقىش لاندون لۋكاس نيۋ-دجەرسي شتاتىنداعى وۋشەن-سيتي قالاسىنىڭ ۇستىنەن ۇشىپ بارا جاتقاندا ۇشاقتى باسقارۋدا قيىندىق تۋىنداعان.

جاس جىگىت وۋشەن-سيتي مۋنيتسيپالدى اەرودرومىنداعى قوسالقى قونۋ جولاعىنا باعىت العان. الايدا، امان قالۋ ءۇشىن مۇمكىندىگىنشە تەزىرەك قونۋ كەرەك بولادى.

سودان كەيىن جاس ءوسپىرىم نيۋ-جەرسيدەگى «بولات پيرس» جولىنا قونۋدى ۇيعارادى. ول تاسجولدا كوپ كولىك بولمايدى دەپ ۇمىتتەنەدى.

كۋاگەرلەردىڭ ايتۋىنشا، لاينەر وتە باياۋ قونعان جانە ءوتىپ بارا جاتقان كولىكتەرگە زاقىم كەلتىرمەگەن. ۆيدەودان تەڭىز ۇستىنەن وتەتىن كوپىردە كولىكتەردىڭ ورتاسىندا كىشكەنتاي ۇشاق تۇرعانىن كورۋگە بولادى.

لۋكاس ۇشاق باسقارۋعا بەرىلەتىن ليتسەنزيانى بىرنەشە اي بۇرىن العان.