قازاقستانداعى اكىم سايلاۋى: تۇرعىنداردىڭ نەشە پايىزى بەلسەندىلىك تانىتتى

None
None
نۇر-سۇلتان. قازاقپارات - جەرگىلىكتى سايلاۋ كوميسسيالارى 730 ەلدى مەكەندەگى حالىقتىڭ داۋىس بەرۋىنە ارناپ جاساقتالعان 1847 سايلاۋ ۋچاسكەسىندە ساياسي ناۋقانعا اتسالىسقان تۇرعىنداردىڭ سانى تۋرالى مالىمەت ۇسىندى، دەپ حابارلايدى قازاقپارات ءتىلشىسى.

اۋىل حالقىنىڭ داۋىس بەرۋدەگى بەلسەندىلىگى بويىنشا كوش باسىنا شىعىس قازاقستان وبلىسى شىعىپ وتىر. وڭىردەگى اكىمى سايلاناتىن اۋىل، اۋىلدىق وكرۋگ، اۋداندىق ماڭىزى بار قالا مەن كەنت تۇرعىندارىنىڭ 90,9 پايىزى ءوز تاڭداۋىن جاساعان.

جالپى وڭىرلەر بويىنشا حالىقتىڭ سايلاۋعا اتسالىسۋ ستاتيستيكاسى مىناداي: اقمولا وبىسىندا داۋىس بەرۋشىلەردىڭ 75,5 پايىزى، اقتوبە وبلىسىندا - 79، پايىز، الماتى وبلىسىندا - 66,5 پايىز، اتىراۋ وبلىسىندا - 74,4 پايىز، شىعىس قازاقستان وبلىسىندا - 90,9 پايىز، جامبىل وبلىسىندا - 90,7 پايىز، باتىس قازاقستان وبلىسىندا - 81,4 پايىز، قاراعاندى وبلىسىندا - 75,8 پايىز، قوستاناي وبلىسىندا - 84,4 پايىز، قىزىلوردا وبلىسىندا - 83,6 پايىز، ماڭعىستاۋ وبلىسىندا - 82,4 پايىز، پاۆلودار وبلىسىندا - 76,9 پايىز، سولتۇستىك قازاقستان وبلىسىندا - 87,1 پايىز، تۇركىستان وبلىسىندا - 77,1 پايىز سايلاۋشىلار جەرگىلىكتى ۋاقىت بويىنشا ساعات 20.00-گە ءوزىنىڭ كونستيتۋتسيالىق قۇقىعىن جۇزەگە اسىرعان.


وسىلايشا، قازاقستان بويىنشا 730 ەلدى مەكەننىڭ اكىمىن انىقتايتىن سايلاۋ دا مارەسىنە جەتتى. زاڭ بويىنشا رەسمي قورىتىندى سايلاۋ وتكىزىلگەننەن كەيىن ءۇش كۇن ىشىندە شىعارىلىپ، جەتى كۇن ىشىندە سايلانعان اكىمدى تىركەۋ ىسكە اسىرىلادى.

اۆتور: ەسىمجان ناقتىباي

سوڭعى جاڭالىقتار