+7 (701) 759 90 19
7 °С : نۇر-سۇلتان
15 °С : الماتى
USD 425.02 EUR 498.17
RUB 5.85 CNY 65.85
جاڭالىقتار

توكيوعا قۋاتتى تايفۋن كەلە جاتىر، وليمپيادا ويىندارىنىڭ ءبىر بولىگى كەيىنگە قالدىرىلدى

25 شىلدە 15:10
:ءبولىسۋ
توكيوعا قۋاتتى تايفۋن كەلە جاتىر، وليمپيادا ويىندارىنىڭ ءبىر بولىگى كەيىنگە قالدىرىلدى

توكيو. قازاقپارات - جازعى وليمپيادا ويىندارىنىڭ استاناسى - توكيوعا قۋاتتى تايفۋن كەلە جاتىر، سونىڭ سالدارىنان ەسۋ جارىسى كەيىنگە قالدىرىلدى، دەپ حابارلايدى قازاقپارات Kyodo-عا سىلتەمە جاساپ.

«نەپارتاك» تايفۋنى سەيسەنبىدە (27 -شىلدە) تىنىق مۇحيتىنان جاپونيانىڭ شىعىسى مەن سولتۇستىك- شىعىسىنا جاقىندايدى. وليمپيادا ويىندارى وتەتىن توكيونى قوسا العاندا، ەلدىڭ ءبىرقاتار ايماقتارىندا تايفۋن سوعۋى مۇمكىن، دەپ حابارلادى جەكسەنبىدە جاپونيانىڭ ۇلتتىق مەتەورولوگيالىق اگەنتتىگى.

اگەنتتىكتىڭ مالىمەتىنشە، جەكسەنبى كۇنى تۇستەن كەيىن نەپارتاك تايفۋنى سولتۇستىككە ساعاتىنا 15 شاقىرىم جىلدامدىقپەن، توكيودان وڭتۇستىك- شىعىسقا قاراي 1800 ك م جىلدامدىقپەن قوزعالادى. تايفۋننىڭ ورتاسىنداعى اتموسفەرالىق قىسىم 994 گەكتوپاسكالدى قۇرادى، ال جەلدىڭ جىلدامدىعى ساعاتىنا 108 شاقىرىمعا جەتتى.

تايفۋن جاپونيا استاناسىنا بيىكتىگى ءۇش قاباتتى ۇيدەي تولقىندار مەن نوسەر جاۋىن اكەلۋى مۇمكىن. تايفۋن سالدارىنان تۋىندايتىن وقىس وقيعالاردى بولدىرماۋ ءۇشىن وليمپيادا ويىندارىنداعى اكادەميالىق ەسۋ كەيىنگە قالدىرىلدى. سەيسەنبىدە جەل ساعاتىنا 126 شاقىرىمعا دەيىن سوعۋى مۇمكىن، ال توكيونى قوسا العاندا، كانتو- كوشين ايماعىندا سەيسەنبى كۇنى تاڭەرتەڭ 24 ساعات ىشىندە 150 ميلليمەترگە دەيىن جاڭبىر جاۋادى دەپ كۇتىلۋدە.

اۆتور: گۇلزات اقجولوۆا


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات