+7 (701) 759 90 19
7 °С : نۇر-سۇلتان
15 °С : الماتى
USD 425.02 EUR 498.17
RUB 5.85 CNY 65.85
جاڭالىقتار

قازاقستاندا اقىلى جولدار سانى ارتادى

25 شىلدە 12:35
:ءبولىسۋ
قازاقستاندا اقىلى جولدار سانى ارتادى

قاراعاندى. قازاقپارات - بيىل ەلىمىزدە اقىلى جولداردىڭ سانى ارتادى. اقىلى بولاتىن جاڭا جول باعىتتارى تۋرالى «QazAvtoJol» ۇلتتىق كومپانياسى اق- نىڭ اقىلى اۆتوموبيل جولدارى ءبولىمىنىڭ باسشىسى ارمان ەشانوۆ ايتىپ بەردى، دەپ حابارلايدى قازاقپارات ءتىلشىسى.

«بۇگىنگى تاڭدا ەلىمىزدە 4 اقىلى اۆتوجول بار. ولار: «الماتى- قورعاس»، «الماتى- قاپشاعاي»، «نۇر- سۇلتان- تەمىرتاۋ» جانە «نۇر- سۇلتان- شۋچە» باعىتىنداعى جول. باعا تۋرالى ايتساق، جەڭىل كولىكتەرگە شاقىرىمىنا 1 تەڭگە، ال سالماعى 15 توننادان اساتىن جۇك كولىكتەرى ءار شاقىرىم ءۇشىن 25 تەڭگە تولەيدى. تاريف 2013 -جىلى بەكىتىلدى، سودان بەرى جول باعاسى وزگەرگەن جوق.


بيىل اقىلى بولاتىن جولدارعا دا وسى تاريف ساقتالادى. ياعني جوسپاردا تاريفتى وزگەرتۋ ماسەلەسى تۇرعان جوق. جول بەكەتتەرىندە اقى تولەۋدىڭ 20-دان استام ءادىسى بار. تولەۋ بەكەتتەرىندە قولما- قول اقشا ارقىلى، الدىن الا ەكىنشى دارەجەلى بانكتەردىڭ قوسىمشالارى، تەرمينال مەن SMS ارقىلى تولەۋگە بولادى. سونداي- اق ءبىزدىڭ كومپانيامىزدىڭ ارنايى موبيلدى قوسىمشاسى دا بار. وندا بارلىق باعىت بويىنشا تولەمدى الدىن الا ەسەپتەپ شىعارۋعا بولادى»، - دەدى ا. ەشانوۆ «QazAvtoJol» ۇلتتىق كومپانياسى ا ق ۇيىمداستىرعان باسپا ءسوز تۋرى بارىسىندا.


ودان بولەك، كومپانيا وكىلى بيىل اقىلى بولاتىن اۆتوكولىك جولدارى تۋرالى ايتتى. «بيىل «باتىس ەۋروپا- باتىس قىتاي» باعىتىنداعى جول ۋچاسكەلەرى اقىلى بولادى. اتاپ ايتقاندا، «شىمكەنت- تاشكەنت»، «شىمكەنت- قىزىلوردا»، «تاراز- قاينار»، «تاراز- شىمكەنت»، «نۇر- سۇلتان- پاۆلودار»، «قاپشاعاي- تالدىقورعان» باعىتىنداعى جولدار. بۇل باعىتتاردىڭ باعاسى دا بەكىتىلگەن تاريفكە سايكەس جۇزەگە اسىرىلادى. تۇرعىندار تاراپىنان جول اقىسىنا قاتىستى سۇراق تۋىنداسا، ءبىزدىڭ 1403 call-ورتالىعىنا حابارلاسۋعا بولادى»، - دەيدى ول.


ايتا كەتەيىك، «QazAvtoJol» ۇلتتىق كومپانياسى ا ق «ورتالىق- وڭتۇستىك» باعىتىنداعى نۇر- سۇلتان - قاراعاندى - بالقاش - پريوزەرسك - بۋرىلبايتال - شۋ - الماتى ايماقتارىنداعى جولداردىڭ سالىنۋ بارىسىن تانىستىرىپ، كورسەتۋ ماقساتىندا باسپا ءسوز تۋرىن ۇيىمداستىردى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات