12:24, 24 - شىلدە 2021 | GMT +6
بوكس: سەرىك تەمىرجانوۆ توكيو وليمپياداسىن جەڭىسپەن باستادى
توكيو. قازاقپارات - توكيو وليمپياداسىندا بوكسشىلار دوداسىنىڭ شىمىلدىعى ءتۇرىلدى. قازاقستان كومانداسى ساپىنان العاش بولىپ سەرىك تەمىرجانوۆ شارشى الاڭعا شىقتى، دەپ حابارلايدى قازاقپارات Olympic.kz-كە سىلتەمە جاساپ.
57 كەلىدە جۇدىرىقتاسقان تەمىرجانوۆ ءبىرىنشى جەكپە- جەكتە ۆەنگريالىق رولاند گالوشپەن كەزدەستى. اتالعان سىن قازاقستاندىق بوكسشىعا ايتارلىقتاي قيىندىق تۋدىرعان جوق. سەرىك تەمىرجانوۆ قارسىلاسىن ەكى مارتە نوكداۋنعا جىبەرىپ، ايقىن باسىمدىقپەن جەڭىسكە جەتتى. ەسەپ - 5:0. ەندى ول 16/1 فينالدا ەكۆادورلىق جان كارلوس كايسەدو پاچيتامەن جەكپە- جەككە شىعادى.