پرەزيدەنت دەنساۋلىق ساقتاۋ ءمينيسترى الەكسەي سويدىڭ ەسەبىن تىڭدادى

None
None
نۇر- سۇلتان. قازاقپارات - مەملەكەت باسشىسى دەنساۋلىق ساقتاۋ ءمينيسترى الەكسەي سويدىڭ ەسەبىن تىڭدادى.

بۇل تۋرالى قازاقپارات ق ر پرەزيدەنتىنىڭ باسپا ءسوز حاتشىسى بەرىك ءۋاليدىڭ Facebook - تەگى پاراقشاسىنا سىلتەمە جاساپ حابارلايدى.

پرەزيدەنتكە قازىرگى ەپيدەميولوگيالىق جاعداي، ەكپە ەگۋ جۇمىستارىنىڭ بارىسى جانە ەلىمىزگە ۆاكسينا جەتكىزۋ جونىندەگى ۋاعدالاستىقتار تۋرالى باياندالدى. قاسىم- جومارت توقايەۆقا ءبىرقاتار وڭىردە كارانتين شارالارىنىڭ كۇشەيتىلگەنى، جۇقپالى اۋرۋلار ستاتسيونارلارى مەن جان ساقتاۋ بولىمدەرىندە ەم قابىلداپ جاتقان ناۋقاستار سانى، ءدارى- دارمەكتەر مەن باسقا دا قاجەتتى جابدىقتار قورى، ۆاكسينا سالۋ قارقىنى باياۋ وڭىرلەرگە كورسەتىلىپ جاتقان ادىستەمەلىك كومەك جايىندا مالىمەت بەرىلدى.

الەكسەي سويدىڭ ايتۋىنشا، ماۋسىم ايىنداعى جاعدايمەن سالىستىرعاندا شىلدەنىڭ سوڭعى ەكى اپتاسىندا ىندەت جۇقتىرعانداردىڭ سانى 4,8 ەسەگە كوبەيگەن. كۇندەلىكتى جۇرگىزىلگەن مونيتورينگ بويىنشا. 24 - شىلدەدەگى مالىمەتكە سايكەس، جۇقپالى اۋرۋلار بولىمدەرىنىڭ 51 پايىزىندا، جان ساقتاۋ بولىمدەرىنىڭ 41 پايىزىندا ناۋقاستار ەم قابىلداپ جاتىر. ۆيرۋس جۇقتىرعاندار سانىنىڭ كوبەيۋىنە جانە دەنساۋلىق ساقتاۋ جۇيەسىنە تۇسكەن سالماقتىڭ ارتۋىنا بايلانىستى شىلدە ايىندا قوسىمشا 10 مىڭ توسەك- ورىن ازىرلەندى. قازىرگى ۋاقىتتا 21,4 مىڭعا جۋىق ورىن رەزەرۆتە تۇر.

سونىمەن قاتار دەنساۋلىق ساقتاۋ ءمينيسترى پرەزيدەنتكە الەمدە كوروناۆيرۋس ىندەتىنىڭ جاڭا «ليامبدا» شتامىنىڭ پايدا بولۋى مەن تارالۋى تۋرالى ايتتى. بۇل ۆيرۋس العاش رەت 2020 -جىلعى جەلتوقساندا پەرۋدە تىركەلگەن. بۇگىندە ىندەتتىڭ وسى ءتۇرىن 30 مەملەكەتتە، نەگىزىنەن سولتۇستىك جانە وڭتۇستىك امەريكا مەن ەۋروپا ەلدەرىندە 3 مىڭعا جۋىق ادام جۇقتىرعان.

قاسىم- جومارت توقايەۆ الەكسەي سويعا ەلىمىزدەگى ەپيدەميولوگيالىق احۋالدى قاتاڭ باقىلاۋدا ۇستاۋدى، جاپپاي ەكپە سالۋ قارقىنىن ارتتىرۋدى، ناۋقاستارعا ۋاقىتىلى مەديتسينالىق كومەك كورسەتۋ جۇمىستارىن، سونىڭ ىشىندە العاشقى مەديتسينالىق- سانيتارلىق جاردەمدى ساپالى ۇيىمداستىرۋدى تاپسىردى.

سوڭعى جاڭالىقتار