+7 (701) 759 90 19
4 °С : نۇر-سۇلتان
14 °С : الماتى
USD 425.85 EUR 499.78
RUB 5.82 CNY 65.87
جاڭالىقتار

جاقىندا دۇنيەدەن وتكەن ساتىبالدى نارىمبەتوۆ فيلمىنىڭ ءتۇسىرىلىمىن ونىڭ ۇلى اياقتايدى

24 شىلدە 09:48
:ءبولىسۋ
جاقىندا دۇنيەدەن وتكەن ساتىبالدى نارىمبەتوۆ فيلمىنىڭ ءتۇسىرىلىمىن ونىڭ ۇلى اياقتايدى

الماتى. قازاقپارات - بۇگىن ق ر مادەنيەت جانە سپورت ءمينيسترى اقتوتى رايىمقۇلوۆانىڭ تاپسىرماسى بويىنشا «قازاقفيلم» كينوستۋدياسىنا ق ر مادەنيەت جانە سپورت ۆيتسە- ءمينيسترى نۇرعيسا داۋەشوۆ پەن ق ر مادەنيەت جانە سپورت مينيسترلىگى مادەنيەت كوميتەتىنىڭ ءتوراعاسى اقان ابدۋالييەۆ رەسمي ساپارمەن كەلدى، دەپ حابارلايدى قازاقپارات.

نۇر- سۇلتان قالاسىنان كەلگەن دەلەگاتسيا شىلدەنىڭ 8- كۇنى ومىردەن وتكەن رەجيسسەر ساتىبالدى نارىمبەتوۆتىڭ «جاڭعىرىق» كينوكارتيناسىنا قاتىستى ءبىرقاتار ماسەلەلەردى تالقىلاۋ ءۇشىن كينوگەرلەرمەن كەزدەستى.


كەزدەسۋدىڭ نەگىزگى ماقساتى - «جاڭعىرىق» فيلمىن اياقتايتىن قويۋشى- رەجيسسەردى بەكىتۋ بويىنشا تۇپكىلىكتى شەشىم قابىلداۋ. كەزدەسۋگە قازاقستاننىڭ ەڭبەك سىڭىرگەن قايراتكەرى، جازۋشى، كينودراماتۋرگ سماعۇل ەلۋبايەۆ، قازاقستاننىڭ ەڭبەك سىڭىرگەن قايراتكەرى، كينودراماتۋرگ، «جاڭعىرىق» فيلمىنىڭ تەڭ سسەناري اۆتورى نۇرلان سانجار، قازاقستاننىڭ ەڭبەك سىڭىرگەن قايراتكەرى، رەجيسسەر بولات قالىمبەتوۆ، رەجيسسەر توماش توت، ساتىبالدى نارىمبەتوۆتىڭ ۇلى اسقار- مۇحيت نارىمبەتوۆ، «قازاقفيلم» كينوستۋدياسىنىڭ باسشىلىعى جانە باسقا كينوگەرلەر قاتىستى.


تالقىلاناتىن ماسەلەلەر بويىنشا وي قوسۋ ءۇشىن ك س ر و حالىق ءارتىسى، ق ر ەڭبەك ەرى ءاسانالى ءاشىموۆ، قازاقستاننىڭ حالىق ءارتىسى تۇڭعىشباي جامانقۇلوۆ جانە «جاڭعىرىق» فيلمىنىڭ قويۋشى- وپەراتورى، رەجيسسەردىڭ كىشى ۇلى ەسكەندىر نارىمبەتوۆ ZOOM ارقىلى كەزدەسۋگە قوسىلدى.

ق ر مادەنيەت جانە سپورت ۆيتسە- ءمينيسترى ن. داۋەشوۆ كەزدەسۋدىڭ بارلىق قاتىسۋشىلارىنا العىسىن ءبىلدىرىپ، بەلگىلى كينورەجيسسەر ساتىبالدى نارىمبەتوۆتىڭ ءولىمى بۇكىل قازاق مادەنيەتى ءۇشىن ورنى تولماس قازا ەكەنىن اتاپ ءوتتى.

- مادەنيەت جانە سپورت ءمينيسترى اقتوتى رايىمقۇلوۆا فيلمنىڭ قويۋشى- رەجيسسەرى رەتىندە مارقۇم رەجيسسەر ساتىبالدى نارىمبەتوۆتىڭ ۇلى اسقار- مۇحيت نارىمبەتوۆتى ۇسىنعانىن جاقسى بىلەسىزدەر. وسىعان بايلانىستى ءبىز بۇگىن سىزدەرمەن بىرگە تۇپكىلىكتى شەشىم قابىلداۋ ءۇشىن جينالىپ وتىرمىز، ويتكەنى ساتىبالدى نارىمبەتوۆتىڭ مۇراسى اياقتالۋى ءتيىس، - دەدى ۆيتسە- مينيستر.

- مەن بۇگىن وسى ماڭىزدى ماسەلەنى تالقىلاۋعا جينالعانىمىزعا وتە قۋانىشتىمىن. ساتىبالدى نارىمبەتوۆتىڭ ۇلدارى ءاردايىم اكەسىمەن بىرگە بولعان جانە جوبانىڭ بارلىق ەگجەي- تەگجەيىن جاقسى بىلەدى، بارلىق ماتەريالداردى بىلەدى. سوندىقتان مەن اسقار- مۇحيتتىڭ رەجيسسەر بولعانىن قولدايمىن، - دەپ ك س ر و حالىق ءارتىسى، كينوستۋديانىڭ كوركەمدىك جەتەكشىسى اسانالى ءاشىموۆ لەبىزىن ءبىلدىردى.

- ساتىبالدى ءومىر بويى ۇلدارىنا كينو ونەرىنە دەگەن سۇيىسپەنشىلىكتى ءسىڭدىرىپ، ابدەن دايىندادى. بىرەۋىن وپەراتور، ەكىنشىسىن رەجيسسەر قىلىپ تاربيەلەدى. ولار نارىمبەتوۆتىڭ بالالارى عانا ەمەس، ونىڭ شاكىرتتەرى دە، سوندىقتان دا ۇلدارى اكەسىنىڭ باستاعان ءىسىن لايىقتى اياقتايتىنىنا سەنىمدىمىن، - دەدى، جازۋشى سماعۇل ەلۋبايەۆ.

Zoom ارقىلى ءسوز سويلەگەن قازاقستاننىڭ حالىق ءارتىسى تۇڭعىشباي جامانقۇلوۆ مينيستر اقتوتى رايىمقۇلوۆانىڭ قويۋشى- رەجيسسەر اسقار- مۇحيت نارىمبەتوۆتى تاعايىنداۋ تۋرالى ۇسىنىسىن قولدايتىنىن ايتىپ، فيلمنىڭ لايىقتى بولاتىنىنا سەنىم ءبىلدىردى.

- ءبىز سسەناريدى ءتورت جىلدا جازدىق، ول تولىعىمەن دايىن. مەنىڭ ويىمشا، اسقار- مۇحيت جوبانى اياقتاۋى ءتيىس، ال ەگەر قاجەت بولسا، ءبىز ءبارىمىز كومەكتەسۋگە دايىنبىز، - دەدى سسەناري سواۆتورى نۇرلان سانجار.

- ايتىلعان جىلى لەبىزدەرىڭىز ءۇشىن العىس ايتامىن. ءبىز فيلمنىڭ شىعارماشىلىق ۇجىمىمەن كەلىسسوز جۇرگىزدىك، ولار جۇمىستى جالعاستىرۋعا دايىن ەكەنىن حابارلادى. سونداي- اق، ءبىز بۇگىن كەزدەسۋگە قاتىسىپ وتىرعان رەجيسسەر توماشتىڭ جوبادا جۇمىس ىستەگەنىن قالايمىز، ويتكەنى ول جوبانىڭ باستاۋىندا تۇردى، اكەمىزبەن ەتەنە ارالاستى، - دەدى قويۋشى- وپەراتور ەسكەندىر نارىمبەتوۆ.

كەزدەسۋ ناتيجەسىندە اسقار- مۇحيت نارىمبەتوۆتىڭ كانديداتۋراسى ءبىراۋىزدان قولداۋ تاپتى. ساتىبالدى نارىمبەتوۆتىڭ ۇلى اسقار- مۇحيت جينالعان قاۋىمعا سەنىمى ءۇشىن العىسىن ءبىلدىرىپ، قازىرگى ۋاقىتتا ول بارلىق ماتەريالداردى زەرتتەپ جاتقانىن جانە 2021 -جىلدىڭ 26 -شىلدەسىندەگى دۇيسەنبىگە قاراي كينوستۋديا باسشىلىعىنا ءتۇسىرىلىمدى اياقتاۋ ءۇشىن ءوز ۇسىنىسىن جولدايتىنىن حابارلادى.

ەستەرىڭىزگە سالا كەتەيىك، رەجيسسەر ساتىبالدى نارىمبەتوۆتىڭ پولياك جازۋشىسى، ايداۋعا كەتكەن ريەۆوليۋتسيونەر جانە دالانىڭ ەتنوگرافيالىق قۇندىلىقتاردى جيناۋشى ادولف يانۋشكيەۆيچتىڭ تاعدىرى تۋرالى باياندايتىن «جاڭعىرىق» فيلمى 2019 -جىلعى اقپان ايىنىڭ باسىندا وندىرىسكە جىبەرىلگەن بولاتىن. كارتينانىڭ جالپى بيۋدجەتى 640000000 تەڭگەنى قۇرادى، ونىڭ ىشىندە 2019 -جىلى ءتۇسىرىلىم توبى دايىندىق الدىنداعى جانە ءىشىنارا دايىندىق كەزەڭدەرى شەڭبەرىندە 240926000 تەڭگەنى يگەردى.

2019 -جىلعى 29 -قاراشادان باستاپ اتالعان كينوجوبا كينوستۋديانىڭ سول كەزدەگى باسشىلىعىنىڭ بۇيرىعىمەن كونسەرۆاتسياعا قويىلدى. 2020 -جىلعى ناۋرىزدا ق ر مادەنيەت جانە سپورت مينيسترلىگى مەن «قازاقفيلم» كينوستۋدياسى اراسىندا شارت جاسالدى، ونىڭ شەڭبەرىندە «جاڭعىرىق» فيلمىن شىعارۋدى جالعاستىرۋعا قالعان سومانىڭ % 30 (399074000تەڭگە) - 119722200 ت گ ءبولىندى. الايدا، كوروناۆيرۋس ينفەكسياسىنىڭ پاندەمياسى جانە ەلدە جاريالانعان كارانتين رەجيمىنە بايلانىستى ءتۇسىرىلىم پروتسەسىندە وزگەرىستەر ەنگىزىلدى.

كارتينانىڭ ءتۇسىرىلىمى اۆتورلاردىڭ ويىنشا تەك قازاقستاندا عانا ەمەس، ۆەنگريادا دا ءوتۋى كەرەك بولعان. وكىنىشكە قاراي، سول كەزدە بۇكىل الەمدە قالىپتاسقان وتە قاۋىپتى جاعدايعا بايلانىستى بۇل مۇمكىن بولمادى. سونىمەن قاتار، ادولف يانۋشكيەۆيچتىڭ رولىنە اكتەر، پولشا ازاماتى پەتر پولاك بەكىتىلگەنىن ايتا كەتكەن ءجون.

بيۋدجەت قاراجاتىن ءتيىمدى پايدالانۋ ماقساتىندا ق ر مادەنيەت جانە سپورت مينيسترلىگى مەن «ش. ايمانوۆ اتىنداعى «قازاقفيلم» اق اراسىنداعى №32 شارت بۇزىلدى. اۆانس تولىعىمەن مەملەكەتتىك بيۋدجەتكە قايتارىلدى. 2021 -جىلى ش. ايمانوۆ اتىنداعى «قازاقفيلم» ا ق مادەنيەت جانە سپورت مينيسترلىگىنە 399074000 تەڭگە كولەمىندە تولىقمەتراجدى كوركەم فيلمدى اياقتاۋعا قوسىمشا ءوتىنىم بەردى. قولدانىستاعى زاڭنامانىڭ تالاپتارىنا سايكەس، بۇرىن قايتارىلعان قاراجاتتى الۋ ءۇشىن ءتيىستى راسىمدەردى، ونىڭ ىشىندە رەسپۋبليكالىق بيۋدجەت كوميسسياسىنىڭ ماقۇلداۋىن جۇرگىزۋ قاجەت. وسىعان بايلانىستى «جاڭعىرىق» كينوكارتيناسىن قارجىلاندىرۋ ماسەلەسى 2021 -جىلعا ارنالعان رەسپۋبليكالىق بيۋدجەتتى ناقتىلاۋ كەزىندە رەسپۋبليكالىق بيۋدجەت كوميسسياسىنىڭ قاراۋىنا شىعارىلدى جانە قولداۋ تاپتى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات