+7 (701) 759 90 19
9 °С : نۇر-سۇلتان
22 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

قازاقستان سپورتشىلارى وليمپيادا شەرۋىندە ءجۇرىپ ءوتتى

23 شىلدە 17:59
:ءبولىسۋ
قازاقستان سپورتشىلارى وليمپيادا شەرۋىندە ءجۇرىپ ءوتتى

نۇر-سۇلتان. قازاقپارات - ءدال قازىر قازاقستان سپورتشىلارى توكيوداعى XXXII جازعى وليمپيادا شەرۋىندە ءجۇرىپ ءوتتى، دەپ حابارلايدى قازاقپارات ءتىلشىسى.

اشىلۋ سالتاناتىندا الدىمەن گرەكيادان كەلگەن سپورتشىلار توپ باستاپ شىقتى. بۇل تۇڭعىش وليمپيادا وتكەن ەل رەتىندە داستۇرگە اينالعان. ودان كەيىن الەمنىڭ ءار قيىرىندا شاشىراپ جۇرگەن ادامداردان جينالعان بوسقىندار قۇراماسى شىقتى.

قازاقستاندىق 97 ساڭلاق كۇنشىعىس ەلىندە سپورتتىڭ 28 تۇرىنەن باق سىنايدى. توكيو تورىندە قازاقستان جالاۋىن بوكسشى قامشىبەك قوڭقابايەۆ پەن جەڭىل اتلەت ولگا رىپاكوۆا ۇستاپ شىقتى.

بيىلعى وليمپيادانىڭ ءبىر ەرەكشەلىگى - ءاربىر مەملەكەتتىڭ تۋىن ۇستاپ شىعۋ مارتەبەسى ەكى سپورتشىعا جۇكتەلەدى.

قازاقستان ۇلتتىق وليمپيادالىق كوميتەتى ايتۋلى الامانعا باراتىن ءتىزىمدى ناقتىلاۋ ماقساتىندا ىرىكتەۋ جانە رەيتينگتىك جارىستارى اياقتالعاننان كەيىن قورىتىندى شىعاردى.

قازاقستان تاۋەلسىز مەملەكەت رەتىندە بيىل جەتىنشى وليمپياداعا اتتاندى. قازاقستان قۇراما ساپىنان 96 سپورتشى العاش رەت 1994-جىلى جازعى وليمپيادادا باق سىناۋعا مۇمكىندىك العان ەدى.

سول جولى وتانداستارىمىز 3 التىن، 4 كۇمىس، 4 قولاعا قول جەتكىزىپ، جالپى كوماندالىق ەسەپتە 24-ورىنعا تابان تىرەدى.

2000-جىلى اۆستراليانىڭ سيدنەي قالاسىنداعى ءدۇبىرلى دوداعا 130 قازاقستاندىق سپورتشى باردى. قورجىنعا تۇسكەنى - 3 التىن، 4 كۇمىس. جالپى كوماندالىق ەسەپتە - 22 ورىن.

گرەكيانىڭ افينى قالاسىندا وتكەن 2004-جىلعى جازعى وليمپيادادا 119 سپورتشىمىز قورجىنعا 8 مەدال ءتۇسىردى. ونىڭ ىشىندە 1 التىن، 4 كۇمىس، 3 قولا بار. جالپى ەسەپتە 40 ورىن بۇيىردى.

ال 2008-جىلعى قىتاي استاناسى بەيجىڭ قالاسىنداعى ءدۇبىرلى دودادا 132 قازاقستاندىق سپورتشى باق سىنادى. ساڭلاقتارىمىز 2 التىن، 4 كۇمىس، 9 قولا مەدال الىپ قايتتى. جالپى كوماندالىق ەسەپتە 37- ورىن بۇيىردى.

انگليانىڭ لوندون قالاسىنداعى 2012-جىلعى وليمپيادادا ەلىمىزدىڭ اتىنان 115 سپورتشى جارىس جولىنا شىقتى. ولار 3 التىن، 1 كۇمىس، 7 قولا مەدال الدى. كوماندالىق ەسەپتە 24-ورىنعا قول جەتكىزدى.

2016 -جىلى برازيليانىڭ ريو-دە-جانەيرو قالاسىندا قازاقستاندىق 104 سپورتشى 18 مەدال (3 التىن، 5 كۇمىس، 10 قولا) ولجالادى. جالپى كوماندالىق ەسەپتە 22- ورىنعا تابان تىرەدى.

ەسكە سالا كەتسەك، بۇدان بۇرىنعى جازعى وليمپيادالاردا قازاقستان تۋىن قانداي سپورتشىلار الىپ شىققانىن حابارلاعان ەدىك.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات