+7 (701) 759 90 19
9 °С : نۇر-سۇلتان
22 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

ماس ادامعا بانكومات الدىندا كومەكتەسكىسى كەلگەن قاراعاندىلىق مۇگەدەك بولىپ قالدى - ۆيدەو

23 شىلدە 11:40
:ءبولىسۋ
ماس ادامعا بانكومات الدىندا كومەكتەسكىسى كەلگەن قاراعاندىلىق مۇگەدەك بولىپ قالدى - ۆيدەو

نۇر-سۇلتان. قازاقپارات – قاراعاندىلىق بانكومات الدىندا كومەكتەسپەك بولعان ەر ادامدى ۇرىپ، باسى داۋعا قالدى.

وقيعا كەزىندە ول ماس بولعان. زارداپ شەككەن ادامنىڭ جاعى مەن مۇرنى سىنىپ، ميى شايقالعان، تىسىنەن ايىرىلعان. سوققىعا جىققان ەر ادام ءبىر جىلعا شارتتى تۇردە سوتتالعان. زارداپ شەككەن جىگىتتىڭ تۋىستارى ۇكىم تىم جەڭىل دەيدى.

بۇل تۋرالى Tengrinews.kz حابارلايدى.

وقيعا بىلتىر مامىردا قوعامدىق ورىندا بولعان. وقيعا ۆيدەوباقىلاۋ كامەراسىنا ءتۇسىپ قالسا دا، تەرگەۋ ءبىر جىلعا سوزىلعان.

بەينەجازبادان ەر ادام بانكومات الدىندا ۇزاق تۇرعانىن كورۋگە بولادى. وعان 39 جاستاعى قالالىق جاقىنداپ، اپپارات قالاي جۇمىس ىستەيتىنىن تۇسىندىرۋگە تىرىسقان، الايدا سوققىنىڭ استىندا قالعان. كەتە باستاعانىندا بۇزاقى ونى قۇلاقشەكەدەن ۇرعان. زارداپ شەگۋشىنىڭ ميى شايقالىپ، جاعى مەن مۇرنى سىنعان، تىسىنەن دە ايىرىلعان.


«ول مەنىڭ ۇلىمدى اياۋسىز سوققىعا جىقتى. بالام اۋىر جاراقات الدى. ول ءالى كۇنگە ەمدەلىپ جاتىر - 2 جىل 2 اي. بەتى سال بولىپ قالدى، جۇيكە تامىرىنا زاقىم كەلگەن. ميى شايقالىپ، كونتۋزيا العان سوڭ باسىندا ىسىك پايدا بولا باستادى. جاعدايى مۇشكىل. باسى اۋىرادى، ۇيقىسىزدىق. پروتسەسس وتە اۋىر. ناتيجەسى قانداي بولارىن بىلمەيمىن، دارىگەرلەر بولجام جاسامايدى. نەۆروپاتولوگ جاعداي ناشارلاي بەرۋى مۇمكىن ەكەنىن ايتتى»، - دەيدى جابىرلەنۋشىنىڭ اناسى ولگا وسينسەۆا.

اناسىنىڭ ايتۋىنشا، باستاپقىدا ول ءوزى تاتۋلاسۋدى ۇسىنىپتى، ءبىراق 28 جاستاعى سوتتالۋشى تيمۋر ميفتاحوۆ باس تارتقان. ءىس بىرنەشە رەت توقتاتىلعان، جابىرلەنۋشىنىڭ تۋىستارى جازالاۋدى تالاپ ەتكەن. كەيىن ءىس «بۇزاقىلىق» بابى بويىنشا سوتقا جەتكەن. ال ءسوزجارىس قارساڭىندا ءتىپتى «ورتاشا دەڭگەيدەگى دەنە جاراقاتىن سالۋ» بابىنا اۋىستىرىلىپتى. وسىلايشا ميفتاحوۆ ءبىر جىلعا شارتتى تۇردە سوتتالىپ، جابىرلەنۋشىگە 1 ميلليون تەڭگە مورالدىق شىعىن وتەۋگە مىندەتتەلگەن.

«مىناداي جاراقات سالعانى ءۇشىن شارتتى تۇردە ءبىر جىل! ءار ادام مۇنداي جاعدايعا تاپ بولۋى مۇمكىن. ءىشىپ العان وسىنداي بۇزاقىلار تۇرعان جەرىڭە بارىپ، قۇلاقشەكەڭنەن ۇرۋى مۇمكىن. بۇدان كەيىن ەشتەڭە ىستەي الماي قالاسىڭ»، - دەيدى وسينسەۆا.

قازىبەك بي اۋداندىق سوتى وكىلدەرى ۇكىمدى ءتۇسىندىردى.

«ايىپتاۋدان «بۇزاقىلىق نيەتپەن« دەگەن بەلگى الىپ تاستالدى، سەبەبى جابىرلەنۋشىنىڭ ارانداتۋشى ارەكەتى بولدى. جابىرلەنۋشى بانكوماتتان اقشا الىپ جاتقان سوتتالۋشىعا جاقىن تۇرىپ، ونىمەن جانجالداسۋعا ءوزى ىقپال ەتكەن. بۇعان دەيىن سوتتالۋشى قوعامدىق ءتارتىپتى بۇزباعان، بۇل بۇزاقىلىق تۋرالى ىستەر بويىنشا جوعارعى سوتتىڭ نورماتيۆتىك قاۋلىسىن نەگىزگە الا وتىرىپ، ارەكەتتى «بۇزاقىلىق« دەپ سارالاۋ كەزىندە اسا ماڭىزدى»، - دەپ ءتۇسىندىردى سۋديا شىنار ىرگەبەك.

سۋديانىڭ سوزىنشە، بۇزاقىلىق - دورەكىلىك تانىتىپ، شىمىرىكپەستىك كورسەتۋ، قوعامدىق ءتارتىپتى بۇزۋ، مورالدىق نورمالارعا قۇرمەتپەن قاراماۋ، قوعامعا قارسى بولىپ، ادامدارعا ءتيىسۋ. ميفتاحوۆتىڭ قوعامدىق ورىندا بولۋى سياقتى ءبىر عانا دەرەك مۇنداي سارالاۋعا جەتكىلىكسىز.

الايدا جابىرلەنۋشىنىڭ وتباسى اپەللياتسيالىق ارىز بەرۋگە نيەتتى. يرينا وسينسەۆانىڭ ايتۋىنشا، سوتتالۋشى وكىنبەگەن، كەشىرىم سۇراماعان جانە ەم-دومعا بىردە-ءبىر تيىن بەرمەگەن. قازىر ۇلى ەكىنشى توپتاعى مۇگەدەك بولىپ قالعان.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات