+7 (701) 759 90 19
17 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

الماتىنىڭ جاڭا باس جوسپارى قاشان قابىلدانادى

22 شىلدە 21:59
:ءبولىسۋ
الماتىنىڭ جاڭا باس جوسپارى قاشان قابىلدانادى

الماتى. قازاقپارات - الماتى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ قالانىڭ باس جوسپارى قاشان قابىلداناتىنىن ايتتى، دەپ حابارلايدى قازاقپارات.

«باس جوسپار ءالى دە تالقىلانۋدا. ول قوعامدىق ۇيىمداردىڭ پىكىرىن ەسكەرە وتىرىپ تالقىلانادى. ءبىز توپتارعا بولىندىك. ءار توپ جوبا ازىرلەۋشىلەرىمەن جەكە جۇمىس ىستەيدى. مەنىڭ ويىمشا، تامىز ايىندا ءبىز تۇپكىلىكتى شەشىمگە كەلەمىز. جاقىندا عانا مەن كولىك ينفراقۇرىلىمى بويىنشا بولعان ماسەلەلەر مەن ەسكەرتۋلەردى تالقىلاۋعا قاتىستىم. جۇمىس جاقسى ءجۇرىپ جاتىر، بۇل ماسەلەلەردى قوعام بەلسەندىلەرى ارقىلى تالقىلاعان كەزدە پايدالى دەپ سانايمىن. سوڭعى ەسكەرتۋلەردى ازىرلەۋشىلەر جويعاننان كەيىن، ءبىز دايىن ماتەريالمەن قوعامدىق تىڭداۋلارعا شىعامىز دەپ ۇمىتتەنەمىن»، - دەپ جاۋاپ بەردى باسقارما باسشىسى وڭىرلىك كوممۋنيكاتسيالار قىزمەتىنىڭ بريفينگىندە.

سپيكەر ساراپشىلاردىڭ زاڭناماعا سايكەس كەلەتىن جانە باس جوسپارعا ەنگىزۋگە بولاتىن بارلىق ەسكەرتۋلەرىن قابىلداعانىن ايتتى.

«نەگىزىنەن جول ايرىقتارىنىڭ سانىن قىسقارتۋ، كوشەلەردىڭ تاۋعا ەمەس، قالاعا كىرەبەرىس جاعىنان سىرتقى كولىكتەرگە جولدار جاساۋ تۋرالى ەسكەرتۋلەر بولدى. سىرتقى كولىك - بۇل قالانىڭ ەكولوگيالىق كومپونەنتىنە اسەر ەتەتىن ەلەمەنتتەردىڭ ءبىرى... 300 گە جۋىق ەسكەرتۋ بار»، - دەدى ول.

ونىڭ ايتۋىنشا، سوڭعى كەزەڭ تامىز ايىندا بولادى. بۇدان ءارى قوعامدىق تالقىلاۋلاردان باسقا، راسىمدىك پروتسەسس، جوبانى ساراپتاۋ، ءماسليحاتتا تانىستىرۋ بولادى. سودان كەيىن ءماسليحات جوبانى ۇكىمەتتىڭ بەكىتۋىنە بەرۋى ءتيىس.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات