+7 (701) 759 90 19
21 °С : نۇر-سۇلتان
19 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

توكيوعا بارعان بوكسشىلاردىڭ راتسيونىندا قازى دا بار - باس باپكەر

22 شىلدە 22:30
:ءبولىسۋ
توكيوعا بارعان بوكسشىلاردىڭ راتسيونىندا قازى دا بار - باس باپكەر

نۇر-سۇلتان. قازاقپارات - بوكستان قازاقستان ەرلەر قۇراماسىنىڭ باس باپكەرى عالىمبەك كەنجەبايەۆ شاكىرتتەرىنىڭ توكيو تورىندە قالاي تاماقتانىپ جۇرگەنى تۋرالى مالىمەت بەردى، دەپ حابارلايدى قازاقپارات ءتىلشىسى.

توكيودان ب ا ق وكىلدەرىمەن Zoom ارقىلى تىكەلەي بايلانىسقا شىققان باس باپكەر وليمپيادا قالاشىعىندا سپورتشىلارعا جاسالعان جاعدايعا كوڭىلدەرى تولاتىنىن ايتتى.

«ءبارىمىز مۇنداعى جاعدايعا بوي ۇيرەتىپ بولدىق. جاسالعان جاعداي قالىپتى، تازا، سپورتشىلارعا ارنالعان. بۇل جەرگە ءبىز دەمالۋعا كەلگەن جوقپىز عوي. سپورتشىلاردىڭ تىنىعۋىنا قاجەت جاعدايدىڭ ءبارى بار. كەلدىڭ، تىنىقتىڭ، جاتتىعۋ جاساپ، جۋىندىڭ. ول ءۇشىن ءبارى بار. تاعامدارى دا الۋان ءتۇرلى. ءتۇرلى اسحانالار بار. ىشىنەن وزىڭە قاجەتتىسىن تاڭداپ الۋعا بولادى. ۇلتتىق وليمپيادا كوميتەتى دە شەت قالىپ جاتقان جوق. ءار كەزدەگىدەي قوسىمشا توڭازىتقىشقا ءبارىن ۇيىمداستىرعانبىز. ءاردايىم وزىمىزبەن بىرگە قوسىمشا تاماق الىپ جۇرەمىز. مەيىز، جاڭعاق، بال، سياقتى اعزاعا قاجەت ونىمدەر بار. ازداپ قازى دا بار. بۇل ءبىرىنشى جارىس ەمەس. سوندىقتان، بىزگە بوي ۇيرەتۋ ۇيرەنشىكتى جايت»، - دەدى عالىمبەك كەنجەبايەۆ.

باس باپكەر بۇكىل الەم اڭگىمە ەتىپ جۇرگەن وليمپيادا قالاشىعىنداعى پلاستيك توسەكتەر تۋرالى دا ويىن ءبىلدىردى.

«بىرىنشىدەن، بۇل توسەكتەر ۇيىقتاۋعا وتە قولايلى. مەن العاشىندا ونىڭ كارتون ەكەنىن بايقاعان جوقپىن. كەيىن عانا كوردىم. ال ماتراسى وتە جايلى»، - دەدى بوكسشىلاردىڭ باپكەرى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات