+7 (701) 759 90 19
15 °С : نۇر-سۇلتان
22 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

عالىمبەك كەنجەبايەۆ: ءبىز قامشىبەككە سەنەمىز

22 شىلدە 21:14
:ءبولىسۋ
عالىمبەك كەنجەبايەۆ: ءبىز قامشىبەككە سەنەمىز

نۇر-سۇلتان. قازاقپارات - بوكستان قازاقستان ەرلەر قۇراماسىنىڭ باس باپكەرى عالىمبەك كەنجەبايەۆ اسا اۋىر سالماقتاعى قامشىبەك قوڭقابايەۆتىڭ توكيوداعى مۇمكىندىگى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«ءيا، سوڭعى ستاتيستيكا، وزبەكستاندىق قارسىلاسىمەن بولعان سوڭعى جەكپە-جەكتەردىڭ كورسەتكىشى قامشىبەكتىڭ پايداسىنا شەشىلىپ تۇر دەپ ايتۋعا كەلمەيدى. جالولوۆ الەمدىك رەيتينگىدە ءوزىن جاقسى كورسەتىپ، سوڭعى جارىستاردىڭ ءبارىن ۇتىپ شىقتى. ءبىراق، قامشىبەككە سەنەمىز جانە ۇمىتتەنەمىز. بۇل سۋپەر اۋىر سالماق. سوندىقتان ءبارى بولۋى مۇمكىن»، - دەدى ۇلتتىق قۇراما تىزگىنشىسى.

بوكسشى جىگىتتەردىڭ باس باپكەرى وليپيادا ويىندارىندا ءاربىر كەزەڭدەگى قارسىلاس باستى باسەكەلەس ەكەنىن ەسكەرتىپ، قامشىبەك اۋەلى قازىر جولىندا تۇرعان قارسىلاسىنا قارسى دايىندىعىن پىسىقتايتىنىن اتادى.

«تاعى دا قايتالاپ ايتام، چەمپيون بولۋ ءۇشىن اۋەلى فينالعا دەيىن جەتۋ كەرەك. وليمپيادا چەمپيونى اتانۋ ءۇشىن اۋەلى العاشقى ۇرىستا جەڭۋ كەرەك. كوبىنەسە سپورتشىلار ءوزىن فينالدا ەلەستەتىپ قاتەلەسەدى. ەگەر ءبىرىنشى ايقاستا جەڭبەسەڭ، چەمپيون تۇگىل جۇلدەگەر دە بولا المايسىڭ. سوندىقتان ءار قارسىلاسقا جەكپە-جەك سايىن جوسپار قۇرىپ، دايىندالامىز»، - دەدى عالىمبەك كەنجەبايەۆ.

ەسكە سالساق، بۇگىن توكيو وليمپياداسىندا باق سىنايتىن بوكسشىلار اراسىندا جەرەبە تارتۋ ءراسىمى ءوتتى. 91+ كەلى سالماقتا باق سىنايتىن قامشىبەك قوڭقابايەۆتىڭ العاشقى قارسىلاسى مىسىرلىق ەسري رەز مۇستافا بولىپ بەكىتىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات