+7 (701) 759 90 19
7 °С : نۇر-سۇلتان
°С : الماتى
USD 425.3 EUR 501.05
RUB 5.85 CNY 65.88
جاڭالىقتار

سوتتالعان جىگىت سۋعا باتقان بالانى قۇتقارعانى ءۇشىن ماراپاتتالدى

22 شىلدە 20:17
:ءبولىسۋ
سوتتالعان جىگىت سۋعا باتقان بالانى قۇتقارعانى ءۇشىن ماراپاتتالدى

نۇر-سۇلتان. قازاقپارات - سوتتالعان جىگىت اقتوبەدە سۋعا باتقان بالانى قۇتقارعانى ءۇشىن توتەنشە جاعدايلار ءمينيسترىنىڭ مەدالىمەن ماراپاتتالدى، دەپ حابارلايدى حابار 24 Polisia.kz-كە سىلتەمە جاساپ.

اقتوبە وبلىسى بويىنشا ق ا ج دەپارتامەنتىنە قاراستى اقتوبە قالاسىنىڭ الماتى اۋداندىق پروباتسيا قىزمەتىندە ەسەپتە تۇرعان 18 جاستاعى سوتتالعان ايبار، ءوز ءومىرىن قاتەرگە تىگىپ، سۋعا باتىپ بارا جاتقان ءسابيدى قۇتقارعانى ءۇشىن توتەنشە جاعدايلار ءمينيسترى گەنەرال-مايور يۋري ءيليننىڭ قولى قويىلعان «سۋعا باتقانداردى قۇتقارعانى ءۇشىن» مەدالىمەن ماراپاتتالدى.

وقيعا وسى جىلدىڭ 28- مامىر كۇنى اقتوبە وبلىسىندا ورىن العان ەدى. قارعالى وزەنى بويىمەن سەرۋەندەپ كەلە جاتقان سوتتالعان ايبار سۋعا باتىپ بارا جاتقان بالانى كورەدى.

ويلانباستان سۋعا سەكىرگەن ول، جاعادان شامامەن 2 مەتردەي قاشىقتىققا ءجۇزىپ بارىپ، بالانى سۋدان الىپ شىعادى. بالانى جاعاعا اكەلە جاتىپ «جەدەل جاردەم شاقىرىڭدار» دەگەن ايباردىڭ جانۇشىرعان ايقايىن ەستىگەن سول ماڭداعى 15 جاستاعى جاس ءوسپىرىم وعان كومەككە كەلەدى.

ەكى باتىر بالانىڭ جۇرەگىنە ماسساج جاساپ، جاساندى جولمەن تىنىس الدىرادى. سالدەن سوڭ جەتكەن جەدەل جاردەم دارىگەرلەرى ءبۇلدىرشىننىڭ ءومىرىن قۇتقارۋعا دەر كەزىندە كورسەتىلگەن العاشقى مەديتسينالىق كومەكتىڭ سەبەپكەر بولعانىن ايتادى.

- اقتوبە قالاسىنىڭ الماتى اۋداندىق پروباتسيا قىزمەتىنىڭ ەسەبىندە تۇرعان ايبار بۇل ءىس-ارەكەتىمەن پروباتسيا ينسپەكتورلارىمەن جۇرگىزىلگەن پسيحولوگيالىق جانە الەۋمەتتىك-قۇقىقتىق جۇمىستاردىڭ ناتيجەلى بولىپ، ءوزىنىڭ تۇزەلۋ جولىنا نىق تۇرعاندىعىن دالەلدەدى.

جالپى، ايباردىڭ مىنەزى جايلى، پروباتسيا قىزمەتتەرىمەن ۇيىمداستىرىلاتىن كەز-كەلگەن ۆولونتەرلىك ءىس-شارالارعا بەلسەندى قاتىسادى جانە ول ءوزىنىڭ ەرىكتىلەر قاتارىندا ەكەنىن تاعى ءبىر ايقىنداپ بەردى، - دەيدى اقتوبە قالاسىنىڭ الماتى اۋداندىق پروباتسيا قىزمەتىنىڭ باستىعى جاننا دوسيموۆا.

جۋىردا اقتوبە قالاسىنىڭ الماتى اۋداندىق پروباتسيا قىزمەتى باسشىلىعىنىڭ باستاماسىمەن جانە وڭىردەگى «Volonter.2020 Aktobe « قوعامدىق بىرلەستىگىنىڭ دەمەۋشىلىگىمەن پروباتسيا ەسەبىندە تۇرعان ايباردىڭ ەرلىگى ەلەنىپ، وعان سىيعا پلانشەت تابىس ەتىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات