19:59, 22 - شىلدە 2021 | GMT +6
مۇرات بايمۇقاشەۆ ق ر ىشكى ىستەر ءمينيسترىنىڭ ورىنباسارى لاۋازىمىنا تاعايىندالدى
نۇر-سۇلتان. قازاقپارات - مەملەكەت باسشىسىنىڭ وكىمىمەن مۇرات قاليبەك ۇلى بايمۇقاشەۆ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى لاۋازىمىنا تاعايىندالدى، دەپ حابارلايدى قازاقپارات اقورداعا سىلتەمە جاساپ.
مۇرات قاليبەك ۇلى بايمۇقاشەۆ 1967-جىلى 23- مامىردا دۇنيەگە كەلدى.
1994-جىلدان باستاپ قۇقىق قورعاۋ ورگاندارىندا جۇمىس ىستەيدى. ىشكى ىستەر ورگانىنداعى جۇمىسىن جول پوليتسياسىنىڭ پاترۋلدىك قىزمەتى باتالونىنىڭ ينسپەكتورى لاۋازىمىنان باستادى.
1997-جىلدان باستاپ ق ر ءى ءى م جول پوليتسياسى باسقارماسىندا جۇمىس ىستەدى، سونىمەن قاتار مينيسترلىكتىڭ ورتالىق اپپاراتىنىڭ دەپارتامەنتتەرى مەن بولىمدەرىن باسقاردى.
2009-2019-جىلدارى ق ر پرەمەر-ءمينيسترى كەڭسەسىندە باسشىلىق لاۋازىمداردا، سونىڭ ىشىندە التى جىلعا جۋىق قورعانىس جانە قۇقىق قورعاۋ ءبولىمىنىڭ باستىعى بولدى.
2019-جىلدىڭ ءساۋىر ايىنان باستاپ ق ر قاۋىپسىزدىك كەڭەسى حاتشىسىنىڭ ورىنباسارى قىزمەتىن اتقاردى.
2020-جىلدىڭ ناۋرىزىنان ق ر ءى ءى م اكىمشىلىك پوليتسيا كوميتەتىنىڭ ءتوراعاسى قىزمەتىن اتقارىپ كەلدى.