الماتى قۇرىلىسىنىڭ جاڭا ەرەجەلەرى قالا ءۇشىن نەسىمەن ماڭىزدى
ول جاڭارتىلعان تالاپتاردىڭ ارتىقشىلىقتارىن ايتتى جانە مەگاپوليستىڭ دامۋىنا قالاي اسەر ەتەتىنىن ءتۇسىندىردى، دەپ حابارلايدى قازاقپارات.
الماسحان احمەدجانوۆ جاڭا ەرەجەلەردى قابىلداۋ الدىندا «الماتى قالاسىنىڭ ەرەكشە مارتەبەسى تۋرالى»، «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى»، «ساۋلەت، قالا قۇرىلىسى جانە قۇرىلىس قىزمەتى تۋرالى» زاڭدارعا وزگەرىستەر ەنگىزىلگەنىن حابارلادى.
«الماتى اكىمى باقىتجان ساعىنتايەۆتىڭ تاپسىرماسى بويىنشا جاسالعان قۇجات بويىنشا مۇقيات جۇمىس جۇرگىزىلدى. الماتىلىقتاردى الاڭداتىپ وتىرعان بارلىق جاعدايلار ەسكەرىلدى. سونىمەن قاتار قۇرىلىس كومپانيالارىنىڭ زاڭدى مۇددەلەرى دە قاراستىرىلعان»، - دەدى الماسحان احمەدجانوۆ.
مىسالى، قۇرىلىس سالۋدىڭ جاڭا ەرەجەلەرىن قابىلداعاننان كەيىن قۇرىلىس سالۋشىلار جوبالاۋ الدىنداعى قۇجاتتامانى العانعا دەيىن قۇرىلىس جوبالارىنا قوعامدىق تالقىلاۋ جۇرگىزۋگە مىندەتتى.
ەسكيزدىك جوبانى ازىرلەۋ كەزىندە قۇرىلىس سالۋشى:
- ەرەكشە قۇرىلىستىق رەتتەۋ ايماقتارىندا (مىسالى، ورتالىقتا) رەگلامەنتتى ساقتاۋعا؛
- قاباتتىلىقتى ساقتاۋعا؛
- الەۋمەتتىك ينفراقۇرىلىمنىڭ (مەديتسينالىق مەكەمەلەر، بالاباقشالار مەن مەكتەپتەر، پوليتسيا پۋنكتتەرى) بولۋىن ەسكەرۋگە؛
- حالىقتىڭ تىعىزدىعىن ەسەپتەۋگە ءتيىس.
قالالىق جوسپارلاۋ جانە ۋربانيستيكا باسقارماسىنىڭ باسشىسى جاڭا ەرەجەلەر بويىنشا حالىقتىڭ تىعىزدىعى:
- تاريحي ورتالىقتا گەكتارىنا 300 ادامنان - قالعان اۋماقتاردا 440 ادامنان اسپاۋى كەرەك دەدى.
«اۋلا اۋماقتارىنىڭ سالىنۋىنا جول بەرمەۋ ءۇشىن ءبىر ادامعا 10 شارشى مەتر اۋلانىڭ نورماسى ەنگىزىلگەنى ماڭىزدى، ونىڭ تورتتەن ءبىر بولىگى جاسىل جەلەكتەرگە بولىنەدى. نەلىكتەن وسى نەمەسە باسقا نىسان ەرەجەلەرگە سايكەس كەلمەيدى دەگەن سۇراقتارعا كەلەتىن بولساق، مەن ەرەجەلەردىڭ بارلىق تالاپتارى تەك جاڭا قۇرىلىسقا قولدانىلاتىنىن ەسكە سالامىن، ويتكەنى زاڭنىڭ كەرى كۇشى جوق»، - دەدى باس ساۋلەتشى.
مەملەكەت باسشىسىنىڭ مەگاپوليستى دامىتۋ جونىندەگى تاپسىرماسىنا سايكەس، ەرەجەلەردە الماتىنىڭ قايتالانباس ساۋلەتتىك كەلبەتىن ساقتاۋعا جانە ءاربىر قالا تۇرعىنىنا ارناپ وتىرعىزىلعان جاسىل جەلەكتەردىڭ سانىنا ەرەكشە ورىن بەرىلگەن.