+7 (701) 759 90 19
7 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

يزرايلدە كوروناۆيرۋس جۇقتىرعاندار سانى ارتتى

22 شىلدە 17:04
:ءبولىسۋ
يزرايلدە كوروناۆيرۋس جۇقتىرعاندار سانى ارتتى

نۇر- سۇلتان. قازاقپارات - ناۋقاستار اراسىندا بالالار كوپ. وسىعان بايلانىستى اۋرۋحانالارداعى بالالار بولىمىندە جوسپارلى وپەراتسيالار كەيىنگە قالدىرىلعان. يزرايلدە ىندەتتىڭ تارالۋى قايتا كۇشەيدى.

ناۋقاستار سانى كۇن سايىن ارتىپ كەلەدى. ونداعان ادام اۋىر حالدە جاتىر. ۇكىمەت «كەزەكتى كارانتين ەنگىزىلە مە» دەگەن سۇراققا «قاجەت بولسا جاريالايمىز» دەپ، قىسقا قايتارىپ وتىر.

ناحمان ەش، يزرايل دەنساۋلىق ساقتاۋ ءمينيسترى:

- ءبىز جاعدايدى ءجىتى قاداعالاپ، دەنساۋلىق ساقتاۋ جۇيەسىنە قاۋىپ تونبەۋىن باقىلاپ وتىرۋىمىز قاجەت. ءبىراق وتكەن تولقىندار كەزىندەگىدەي اۋىر كەزەڭدەرگە ۇشىرايمىز دەپ ويلامايمىز. الايدا ەگەر جانساقتاۋ بولىمىندە ناۋقاستار سانى ارتىپ، دەنساۋلىق ساقتاۋ جۇيەسىنە قاتەر تونسە شەكتەۋلەر ەنگىزۋىمىز كەرەك. ماماندار بارلىق ماسەلە دەلتا شتامىندا دەيدى. كوروناۆيرۋستىڭ مۋتاتسياعا ۇشىراعان بۇل ءتۇرى باستاپقى ۆيرۋسقا قاراعاندا جۇقپالى ءارى قاۋىپتى بولىپ شىقتى. ءبىراق بيلىك حالىقتى جاپپاي ۆاكسينالاۋ ءوز جەمىسىن بەرىپ جاتقانىن ايتادى. يزرايلدە حالىقتىڭ 70 پروتسەنتى ۆاكسينالانعان.

يۋري رانكوۆ، تەل- اۆيۆ مەديتسينالىق ورتالىعىنىڭ دەپارتامەنت باسشىسى:

- ەلدەگى احۋال الدىڭعى شتامدارداعىداي اۋىر بولادى دەپ ويلامايمىز. كۇن سايىن 1 مىڭعا جۋىق ادام ۆيرۋستى جۇقتىرىپ جاتقانىن كورىپ وتىرمىز. ءبىراق اۋرۋ ولاردىڭ كوبىندە جەڭىل جانە ورتاشا اۋىر تۇردە ءوتىپ جاتىر.

يزرايلدە ناۋقاستار سانى ارتۋىنا قاراماستان عيماراتتاردا بەتپەردە تاعىپ جۇرۋدەن باسقا شارا ەنگىزىلگەن جوق. قىزىل تىزىمدەگى ەلدەردەن بولەك مەملەكەتتەرگە ساياحاتتاۋعا رۇقسات. تەك بالالار بولىمىندە تىنىس الۋ جولدارى اۋىرىپ تۇسكەن كىشكەنتاي ناۋقاستار سانى ارتقان. قازىر ولاردىڭ قانداي دەرتكە شالدىققانى زەرتتەلىپ جاتىر.

www.24.kz

#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات