+7 (701) 759 90 19
15 °С : نۇر-سۇلتان
22 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

مەملەكەت باسشىسى اقمولا وبلىسىنىڭ اكىمى ەرمەك مارجىقپايەۆتىڭ ەسەبىن تىڭدادى

22 شىلدە 16:40
:ءبولىسۋ
مەملەكەت باسشىسى اقمولا وبلىسىنىڭ اكىمى ەرمەك مارجىقپايەۆتىڭ ەسەبىن تىڭدادى

نۇر- سۇلتان. قازاقپارات - پرەزيدەنت قاسىم- جومارت توقايەۆ اقمولا وبلىسىنىڭ اكىمى ەرمەك مارجىقپايەۆپەن ءوڭىردى دامىتۋدىڭ وزەكتى ماسەلەلەرىن تەلەفون ارقىلى تالقىلادى.

بۇل تۋرالى مەملەكەت باسشىسىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا جازدى، دەپ حابارلايدى قازاقپارات.

مەملەكەت باسشىسىنا وبلىستىڭ ءبىرىنشى جارتىجىلدىقتاعى الەۋمەتتىك- ەكونوميكالىق دامۋ قورىتىندىلارى باياندالدى. نەگىزگى كورسەتكىشتەر بويىنشا ءوسىمنىڭ وڭ قارقىنى بار ەكەنى اتاپ ءوتىلدى. قاسىم- جومارت توقايەۆقا كوروناۆيرۋس ىندەتىنە قارسى كۇرەس بويىنشا جۇرگىزىلىپ جاتقان جۇمىستار تۋرالى مالىمەت بەرىلدى. وبلىستا ۆاكسينا سالدىرۋعا ءتيىستى حالىقتىڭ 49 پايىزى ەكپە العان. سۇرانىسقا يە ءدارى- دارمەكتەردىڭ ەكى ايلىق ازايتىلمايتىن قورى ازىرلەنگەن.

بۇدان بولەك وبلىس اكىمى پرەزيدەنتكە ەگىن ەگۋ جانە جەم- ءشوپ دايىنداۋ ماسەلەلەرى تۋرالى ايتتى. اۋىل شارۋاشىلىعى داقىلدارى ەگىلگەن جەر كولەمى 5 ميلليون گەكتاردان اسادى. وڭىردەگى جاۋىن- شاشىننىڭ ازدىعىنان تورعاي ايماعى (جارقايىڭ، ەسىل، جاقسى اۋداندارى) كوبىرەك زارداپ شەكتى. وسىعان بايلانىستى كورشىلەس اۋدانداردا بىرلەسە ءشوپ دايىنداۋ جۇمىستارى ۇيىمداستىرىلادى. سونىمەن قاتار ەرمەك مارجىقپايەۆ مەملەكەت باسشىسىنىڭ تاپسىرمالارىنىڭ ورىندالۋ بارىسى تۋرالى باياندادى.

اتاپ ايتقاندا قوسشى اۋىلىنا وبلىستىق ماڭىزى بار قالا مارتەبەسىن بەرۋ جونىندە، جىلۋ ەلەكتر ورتالىعىن سالۋ ءۇشىن الەۋەتتى ينۆەستورلار ىزدەستىرىپ جاتقانىن، سونداي- اق، سۋ باساتىن ايماق تۇرعىندارىن كوشىرۋ ءۇشىن اتباسار قالاسىندا 100 پاتەرلىك ەكى ءۇيدىڭ قۇرىلىسى باستالعانىن جەتكىزدى. ەلىمىزدەگى ەلەۋلى ساياسي وقيعا - اۋىل اكىمدەرىن سايلاۋعا دايىندىق بارىسىنا ەرەكشە ءمان بەرىلدى. جالپى وبلىس بويىنشا 95 اكىم سايلانادى. اڭگىمەلەسۋ سوڭىندا مەملەكەت باسشىسى ءبىرقاتار ناقتى تاپسىرما بەردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات