رەانيماتسيادا جاتقانداردىڭ ىشىندە ۆاكسينا العان ناۋقاستار جوق - تيمۋر مۇراتوۆ

نۇر-سۇلتان. قازاقپارات - نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ كوروناۆيرۋس بويىنشا رەانيماتسيادا جاتقان ەلوردالىقتاردىڭ جاعدايى تۋرالى مالىمەت بەردى، دەپ حابارلايدى قازاقپارات ءتىلشىسى.

«بۇگىندە رەانيماتسيادا 230 ناۋقاس جاتىر. ونىڭ 47 سى وكپەنى ينۆوزيرلىك جەلدەتكىش قۇرالعا جالعانعان. ياعني، جاعدايى ەڭ اۋىر، تۇراقسىز ناۋقاستار وسىلار. ولاردىڭ ىشىندە ۆاكسينا العان سىرقاتتار جوق»، - دەدى باسقارما باسشىسى.

سونداي-اق، ول ەلوردالىقتار اراسىندا ۆيرۋسقا قارسى ۇجىمدىق يممۋنيتەت قالىپتاسۋى ءۇشىن نەشە ادامنىڭ ەكپە الۋى كەرەكتىگىن ەسكە سالدى.

«قالا بويىنشا 320 مىڭ ادام ۆاكسينانىڭ ءبىرىنشى كومپونەنتىن السا، 200 مىڭنان استامى تولىق يممۋنداۋدان ءوتتى. ۆاكسيناتسيا ۇجىمدىق يممۋنيتەت پايدا بولعان كەزدە ءتيىمدى بولاتىنىن ەسكە سالعىم كەلەدى. ياعني، استانا حالقىنىڭ 60 پايىى ەكپە الۋى كەرەك. بۇل ءبىزدىڭ قالا ءۇشىن 650 مىڭداي ادام. سول كەزدە عانا ءبىز قاۋىپسىز ءومىر سۇرە الامىز»، - دەدى تيمۋر مۇراتوۆ.

اۆتور: ەسىمجان ناقتىباي