تيمۋر مۇراتوۆ: ۆاكسينا پاسپورتىن قولدان جاساتۋ رەانيماتسياعا بيلەت ساتىپ الۋمەن تەڭ

نۇر-سۇلتان. قازاقپارات - ۆاكسينا پاسپورتىن قولدان جاساۋ دا، ونى ساتىپ الۋ دا ازامزاتقا قارسى قىلمىس جاساۋمەن تەڭ.

نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ اكىمدىكتىڭ ونلاين بريفينگىندە وسىنداي پىكىر ءبىلدىردى، دەپ حابارلايدى قازاقپارات ءتىلشىسى.

«ۆاكسينا پاسپورتىن قولدان جاساۋشىلاردىڭ جولىن كەسۋ ءۇشىن ءتيىستى شارالار قابىلدانىپ جاتىر. مۇنداي ماڭىزدى قۇجاتتى قولدان جاساپ ساتۋ دەگەن ەندى وتە قيىن جاعداي. ونى العان حالىقتىڭ دا، جاساپ جۇرگەن ازاماتتاردىڭ دا ىستەپ جۇرگەن قىلمىسى - ادامزاتقا قارسى قىلمىس. ويتكەنى قولدان جاسالعان پاسپورت العان ادام - وزىنە رەانيماتسياعا بيلەت ساتىپ العان ادام. سوندىقتان، بۇعان قارسى تۇرۋ ءۇشىن قۇقىق قورعاۋ ورگاندارى جۇمىس ىستەپ جاتىر. ءبىرشاما تەرگەۋ جۇمىستارىن جۇرگىزىپ، كەيبىر ماسەلەلەردى انىقتاۋدا»، - دەدى باسقارما باسشىسى.

ونىڭ ايتۋىنشا، ەلورداداعى ينفەكسيالىق ستاتسيونارلار 72 پايىزعا تولعان. وسىعان بايلانىستى قالالىق اۋرۋحانالار ينفەكسيالىق رەجيمگە اۋىستىرىلىپ جاتىر.

«اۋرۋدىڭ وسۋىنە بايلانىستى قالالىق اۋرۋحانالاردى ينفەكسيالىق رەتىندە قايتا بەيىمدەۋگە جانە ازىرگە كۇندىزگى ستاتسيوناردىڭ جۇمىسىن، جوسپارلى ەمدەۋگە جاتقىزۋدى توقتاتۋعا تۋرا كەلەدى»، - دەدى تيمۋر مۇراتوۆ.