نۇر-سۇلتان ەمحانالارىندا جوسپارلى ەمدەۋدى ۋاقىتشا توقتاتۋعا تۋرا كەلدى

نۇر-سۇلتان. قازاقپارات - استانادا ەپيدەميولوگيالىق احۋالدىڭ ۋشىعۋىنا بايلانىستى قالالىق اۋرۋحانالار ينفەكسيالىق رەجيمگە اۋىستىرىلىپ جاتىر، دەپ حابارلايدى قازاقپارات ءتىلشىسى.

نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ اكىمدىكتىڭ ونلاين بريفينگىسىندە وسىنداي مالىمەت بەردى.

«اۋرۋدىڭ وسۋىنە بايلانىستى قالالىق اۋرۋحانالاردى ينفەكسيالىق رەتىندە قايتا بەيىمدەۋگە جانە ازىرگە كۇندىزگى ستاتسيوناردىڭ جۇمىسىن، جوسپارلى ەمدەۋگە جاتقىزۋدى توقتاتۋعا تۋرا كەلەدى. وسىلايشا، باسقا مەديتسينالىق كلينيكالاردا ءتۇرلى پروفيلدەر بويىنشا ناۋقاستاردى اۋرۋحاناعا جاتقىزۋ جۇكتەمەسى سەزىنەدى»، - دەدى تيمۋر مۇراتوۆ.

ونىڭ سوزىنە قاراعاندا، اتالعان جايتتاردىڭ ءبارى قالادا كوروناۆيرۋس ينفەكتسياسىمەن اۋىراتىنداردىڭ سانى كۇن سايىن ارتىپ كەلە جاتقانىن كورسەتەدى.

«ءبىز توسەك سانىن كوبەيتۋگە جانە ادامي رەسۋرستاردى ۇلعايتۋعا ءماجبۇرمىز. وتكەن تاۋلىكتە 333 ادام جاتقىزىلدى. بار ينفەكسيالىق توسەك- ورىننىڭ 1006 سى عانا بوس، ونىڭ ىشىندە 62 رەانيماتسيالىق توسەك-ورىن. جانساقتاۋ بولىمىندە 230 ناۋقاس، ك ۆ ي- مەن - 203 ادام. وتە اۋىر حالدە - 70 ناۋقاس، ال 47 ادام وكپەنى جاساندى جەلدەتۋ اپاراتىندا جاتىر»، - دەدى باسقارما باسشىسى.

اۆتور: ەسىمجان ناقتىباي