+7 (701) 759 90 19
29 °С : نۇر-سۇلتان
29 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

تيمۋر مۇراتوۆ: ەلورداداعى ەپيدەميولوگيالىق جاعداي قيىن

22 شىلدە 13:56
:ءبولىسۋ
تيمۋر مۇراتوۆ: ەلورداداعى ەپيدەميولوگيالىق جاعداي قيىن

نۇر-سۇلتان. قازاقپارات - نۇر-سۇلتان قالاسىنداعى ەپيدەميولوگيالىق احۋال بىلتىر جازداعى ۇرەيلى كەزەڭنەن دە كۇردەلى قالىپقا جەتكەن.

نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ اكىمدىكتىڭ ونلاين بريفينگىندە وسىلاي ايتىپ، حالىقتى ۆاكسينا الۋعا شاقىردى، دەپ حابارلايدى قازاقپارات ءتىلشىسى.

«بۇگىندە ەلوردادا 320 مىڭنان استام ادام ۆاكسينانىڭ ءبىر كومپونەنتىن الدى. 206 مىڭنان استام ازامات تولىقتاي يممۋنيزاتسيالاندى. حالىقتى ۆاكسينامەن قامتۋ ءۇشىن ءبىز مەديتسينالىق ۇيىمدارداعى ەگۋ پۋنكتەرىنىڭ سانىن 3 ەسە كوبەيتتىك. ولاردىڭ جۇمىس كەستەسى جەكسەنبى مەن مەرەكە كۇندەرىن قوسا العاندا تاڭعى 10:00-دەن 22:00-گە دەيىن ۇزارتىلدى»، - دەگەن باسقارما باسشىسى حالىقتى ۆاكسيناتسيامەن تولىق قامتۋ ءۇشىن حان- شاتىر، MegaSilkWay، كەرۋەن، ابۋ- دابي پلازا، ازيا پارك، سارىارقا، ەۆرازيا، مەچتا دۇكەنى سياقتى ساۋدا- ويىن- ساۋىق ورتالىقتارىندا ۆاكسيناتسيا پۋنكتتەرى جۇمىس ىستەپ تۇرعانىن ەسكە سالدى.

«وسى ۋاقىت ارالىعىندا ساۋدا جانە ويىن- ساۋىق ورتالىعىندا بارلىعى 50 مىڭنان استام ادام ۆاكسيناتسيالاندى. قۇرمەتتى ازاماتتار! وكىنىشكە قاراي، الىپ وتىرعان ەپيدەميولوگيالىق جاعداي قورقىنىشتى دەسەك قاتەلەسپەسپىز. وتكەن جىلدىڭ جازىمەن سالىستىرعاندا، ودان دا كۇردەلى. قاراپايىم پروفيلاكتيكالىق تالاپتاردى ساقتاساق، قوعامدىق جەرلەرگە كوپ بارۋدان باس تارتساق جاعداي تۇزىلەر، الايدا ونى اركىم تۇسىنە بەرمەيدى. ءبىر جارىم جىلدىڭ ىشىندە ۆيرۋسپەن كۇرەسىپ كەلەمىز. بارلىق جاساپ جاتقان شارالار حالىق دەنساۋلىعى ءۇشىن. ەپيدەميولوگيالىق احۋال وڭ شەشىمىن الۋ ءۇشىن حالىق ۆاكسيناتسيالاۋ قاجەت. تەك بىرلىكتە يممۋندىق جۇيە قالىپتاسادى، وسىنى جادىمىزعا ساقتاپ العانىمىز ءجون»، - دەدى تيمۋر مۇراتوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات