الماتى وبلىسىندا ەپيداحۋال ناشارلادى

الماتى وبلىسى. قازاقپارات - الماتى وبلىسىندا كوروناۆيرۋس ينفەكتسياسى بويىنشا ەپيدەميولوگيالىق احۋال ناشارلاي تۇسۋدە، ءوڭىر «قىزىل» ايماقتا. بۇل تۋرالى وبلىستىڭ سانيتارلىق- ەپيدەميولوگيالىق باقىلاۋ دەپارتامەتى ءمالىم ەتتى، دەپ حابارلايدى قازاقپارات ءتىلشىسى.

ەپيدەميولوگيالىق ماتريتسا باعالاۋى بويىنشا، ەسكەلدى مەن تالعار اۋدانى، تەكەلى مەن تالدىقورعان قالاسى «قىزىل» ايماقتا، ىلە، قاراتال اۋداندارى «سارى» ايماقتا، قالعان قالالار مەن اۋداندار «جاسىل» ايماقتا. 2020 -جىلدىڭ ناۋرىز ايىنان بەرى ك ۆ ي-دىڭ 29872 لابوراتوريالىق راستالعان جاعدايى تىركەلدى. ولاردىڭ 19167 سى - سيمپتوممەن. وبلىس بويىنشا كوروناۆيرۋستىڭ ءوسۋ قارقىنى سوڭعى ەكى اپتادا %0,4 دان %0,6- عا ارتتى. نەگىزىنەن، ك ۆ ي جانە «دەلتا» ۆاكتسينالانباعان تۇرعىندار اراسىندا تىركەلگەن، بۇل ۆاكسيناتسيانىڭ تيىمدىلىگى جوعارى ەكەنىن كورسەتەدى. بۇگىنگى تاڭدا ءبىرىنشى كومپونەنتپەن 513109 ادام ەگىلدى، ەكىنشى كومپونەنت 291549 ادامعا سالىندى. ۆاكسينالانعاندار سانى بويىنشا پەداگوگتار (37594) جانە مەديتسينا قىزمەتكەرلەرى (23167) كوش باستاپ تۇر.