اقمولا وبلىسىندا «قازاقشا سويلەيىك» كلۋبى اشىلدى
اۋداننىڭ ىشكى ساياسات ءبولىمىنىڭ ايتۋىنشا، كلۋبقا بارلىق نيەت بىلدىرۋشىلەر كەلىپ، وزدەرىنىڭ مەملەكەتتىك ءتىلدى ۇيرەنۋ ماشىقتارىن دامىتا الادى. اتالمىش كلۋب مۇشەلەرى قازاق تىلىندە سويلەپ قانا قويماي، ساۋاتتى جازا ءبىلۋدى ماقسات ەتەدى.
ساباقتار كۇن سايىن اڭگىمە مەن قارىم-قاتىناستا قولدانىلاتىن سويلەمدەردى تۇرلەندىرۋگە ارنالعان ارنايى ادىستەمە بويىنشا وتكىزىلەدى. ساباقتاردا وقىتۋدىڭ ويىن فورمالارى بەلسەندى قولدانىلادى. پرەزيدەنت «تاۋەلسىزدىك بارىنەن قىمبات» ماقالاسىندا مەملەكەتتىك ءتىلدى ءبىلۋ - قازاقستاننىڭ ءاربىر ازاماتىنىڭ پارىزى، ءتىپتى مىندەتى دەپ تە ايتۋعا بولاتىنىن جەتكىزدى. وسىلايشا بارشا قازاقستاندىقتارعا، ونىڭ ىشىندە قازاق ءتىلىن ءالى جەتە مەڭگەرمەگەن وتانداستارعا ۇندەۋ تاستاعان بولاتىن. «بۇگىندە ەلىمىزدە مەملەكەتتىك ءتىلدى ۇيرەنەمىن دەۋشىلەرگە بارلىق جاعداي جاسالعان. وسى جۇمىستى جالعاستىرا وتىرىپ، ەلىمىزدىڭ مەرەيتويى قارساڭىندا اۋدانىمىزدا قازاق ءتىلىن وقىتۋ كلۋبى اشىلدى. بۇل كلۋبقا اسىرەسە، وزگە ەتنوس وكىلدەرىنىڭ قىزىعۋشىلىعى باسىم»، - دەدى اۋداننىڭ ىشكى ساياسات بولىمىندە.
كلۋب مۇشەلەرى اپتاسىنا ءبىر رەت ءبىر ساعاتتان كەزدەسىپ وتىرادى. ولاردىڭ ءتىل ءبىلۋ دەڭگەيى مەن جاس ەرەكشەلىگى ماڭىزدى ەمەس. تەگىن ۇيىمداستىرىلعان كلۋب ساباقتارىن اۋدانداعى «تىلدەردى وقىتۋ ورتالىعىنىڭ» تاجىريبەلى، بىلىكتى ماماندارى وتكىزەدى.