+7 (701) 759 90 19
7 °С : نۇر-سۇلتان
17 °С : الماتى
USD 425.3 EUR 501.05
RUB 5.85 CNY 65.88
جاڭالىقتار

الەمگە ايگىلى تۇرمە اقىرى جابىلاتىن بولدى

22 شىلدە 12:26
:ءبولىسۋ
الەمگە ايگىلى تۇرمە اقىرى جابىلاتىن بولدى

الماتى. قازاقپارات - ا ق ش بيلىگى كۋبا ارالىنداعى گۋانتانامو شىعاناعىندا ورىن تەپكەن تۇرمە مەن اسكەري- تەڭىز بازاسىن جاباتىن بولىپ شەشىم قابىلدادى.

بۇل تۋرالى islam.kz پورتالى Lenta.ru اقپارات كوزىنە سىلتەمە جاساي وتىرىپ ءمالىم ەتەدى.

ا ق ش پرەزيدەنتى دجو بايدەن اكىمشىلىگىنىڭ رەسمي وكىلى تۇرمەنىڭ جابىلۋىنا قاتىستى كەستەنىڭ جاسالماعانىن، ويتكەنى، بۇل پروتسەستىڭ ءتۇرلى كەزەڭى بولاتىنىن جەتكىزدى.

شىلدە ايىنىڭ 19 ى كۇنى ا ق ش بيلىگى ەلدىڭ ۇلتتىق مۇددەسىنە ەندى قاۋىپ توندىرمەيتىن 56 جاستاعى گۋانتانامو تۇتقىنى ءابدىلاتيف ناسىردى ماروككاعا رەپاتريتسيالاۋ تۋرالى شەشىم شىعارعان ەدى. دجەن پساكي تۇرمە قابىرعاسىنداعى 39 شەتەلدىك تۇتقىننىڭ 10 ى رەپاتريتسيالانۋىنا قۇقىعى بارىن ايتا كەلە تاعى 17 نىڭ ءىسى قايتا قارالۋىنا مۇمكىندىك بارىن، ال 10 تۇتقىندى اسكەري كوميسسيا تەرگەپ جاتقانىن، ەكەۋىنە ايىپ تاعىلعانىن تىلگە تيەك ەتتى.

وسى ورايدا ا ق ش قورعانىس مينيسترلىگى گۋانتانامو تۇرمەسىن قارجىلاندىرۋدان باس تارتقانىن ايتا كەتپەكپىز. بۇل تۇرمەنى جابۋعا العاشقى تالپىنىس ا ق ش-تىڭ ەكس-پرەزيدەنتى باراك وباما تۇسىندا جاسالعان بولاتىن. 2009 -جىلدىڭ قاڭتار ايىندا ءتيىستى جارلىققا دا قولىن قويعان بولاتىن. الايدا، باراك وبامانىڭ بۇل شەشىمى رەسپۋبليكاشىل كونگرەسمەندەر تاراپىنان قارسىلىققا ۇشىراپ، اياقسىز قالدى. 2018 -جىلى ا ق ش- تىڭ 45-پرەزيدەنتى دونالد ترامپ تۇرمەنى ساقتاپ قالۋ تۋرالى بۇيرىق شىعارعان بولاتىن.

ۋيكيپەديا ەلەكتروندى ەنسيكلوپەديادان:

گۋانتاناموداعى كونسەنتراتسيالىق لاگەر (اعىلش. GuantanamoBaydetentioncamp) - ا ق ش بيلىگى تاراپىنان ءتۇرلى قىلمىستار، تەرروريزم بويىنشا ايىپتالعان تۇلعالاردىڭ بوستاندىعىن شەكتەيتىن، ا ق ش تاراپىنان كۋبادان مەرزىمسىز ۋاقىتقا جالعا العان لاگەر. گۋانتانامو قالاسىنان 30 ك م. قاشىقتىقتا ورنالاسقان.

كونسلاگەر 2002 -جىلدىڭ قاڭتار ايىندا اشىلدى، ول جەرگە العاش رەت اۋعانستاننان 20 تۇتقىن جەتكىزىلدى. ولار اۋعانستاندا يسلامشىل ەكسترەميستتەر «تالىبتەر» جاعىندا سوعىستى دەپ ايىپتالعان ازاماتتار ەدى. 2002-2006 -جىلدار اراسىندا اۋعانستان مەن يراكتا قولعا تۇسكەن 750 گە جۋىق شەتەلدىك تۇتقىن وسى تۇرمەگە ءتۇسىپ شىققان. ولاردىڭ بارلىعى ا ق ش اسكەريلەرىنىڭ ايتۋىنشا «ال- كايدى» ۇيىمىنىڭ جانە تاليبان ۇيىمىنىڭ سودىرلارى. ولاردىڭ ىشىندە 250 ادام مەرزىمىنەن بۇرىن بوساتىلدى (ەلىنە قايتارىلعانداردىڭ ىىشىندە 8 رەسەي ازاماتى بار). 2006 -جىلدىڭ ءساۋىر ايىنا دەيىن باسقالارىنىڭ ەسىمى قۇپيا ساقتالىپ جاريالانبادى.

ءساۋىر ايىندا پەنتاگون 558 بۇرىنعى جانە سول كەزدەگى تۇتقىنداردىڭ ءتىزىمىن جاريالادى. 2006 -جىلى تۇرمەدە 490 كىسىنىڭ باس بوستاندىعى شەكتەلگەن، ولاردىڭ تەك ون شاقتىسىنا رەسمي ايىپ تاعىلعان. كوبىسى ساۋدوۆسكوي اراۆي (132 كىسى)، افگانيستانا (125 كىسى) جانە يەمەن (107 كىسى) ازاماتتارى.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات