09:10, 22 - شىلدە 2021 | GMT +6
گولوۆكيننىڭ كەلەسى جەكپە-جەگى وتەتىن كۇن الدىن الا بەلگىلى بولدى
نۇر-سۇلتان. قازاقپارات - تانىمال امەريكالىق جۋرناليست دەن رافاەل گەننادي گولوۆكين (41-1-1، 36 ك و) مەن ريوتا مۋراتانىڭ (16-2، 13 ك و) جەكپە- جەگى بويىنشا كەلىسسوزدەر تۋرالى جاڭا اقپاراتپەن ءبولىستى، دەپ حابارلايدى قازاقپارات Sports.kz-كە سىلتەمە جاساپ.
باستاپقىدا گولوۆكين - مۋراتانىڭ جەكپە-جەگى 31-جەلتوقساندا توكيودا Tokyo Dome ارەناسىندا وتەدى دەپ جوسپارلانعان بولاتىن، الايدا بۇل جەكپە-جەك باسقا كۇنگە جانە باسقا جەرگە اۋىستىرىلۋى مۇمكىن.
«كەلىسسوزدەر ءجۇرىپ جاتىر، ولار شارتتاردى تالقىلاۋ ساتىسىندا، ال لاگەرلەر اراسىندا تۇزەتۋ تۋرالى ۇسىنىستار بار»، - دەلىنگەن دەرەككوزدەردە.
«جەكپە- جەك 28-جەلتوقساندا توكيودان تىس سايتامادا Saitama Super Arena-دا وتەدى»، - دەپ جازدى رافاەل.