+7 (701) 759 90 19
29 °С : نۇر-سۇلتان
29 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

پرەزيدەنت تاپسىرماسىمەن ءار سەنبى سايىن ءشوپ جارمەڭكەسى ءوتىپ جاتىر

22 شىلدە 10:24
:ءبولىسۋ
پرەزيدەنت تاپسىرماسىمەن ءار سەنبى سايىن ءشوپ جارمەڭكەسى ءوتىپ جاتىر

تاراز. قازاقپارات - جامبىل وبلىسىندا ءار سەنبى سايىن ءشوپ جارمەڭكەسى ۇيىمداستىرىلۋدا، دەپ حابارلايدى قازاقپارات ءتىلشىسى.

مەملەكەت باسشىسى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا جەمشوپ دايىنداۋ، ەگىستىكتى سۋمەن قامتۋعا قاتىستى ناقتى مىندەتتەر جۇكتەگەن بولاتىن. وسىعان وراي، جامبىل وبلىسىندا ءبىرقاتار جۇمىستار قولعا الىنعان بولاتىن. بيىل اۋا رايىنىڭ قولايسىزدىعى مەن قۋاڭشىلىقتىڭ سالدارىنان شابىندىقتاردى ونىمدىلىك تومەندەگەن.

بۇل ءوز كەزەگىندە مال ازىعىنا قاجەتتى جەم-ءشوپ باعاسىنىڭ وسۋىنە اسەر ەتتى. وسىعان بايلانىستى ايماق باسشىسى بەردىبەك ساپاربايەۆ ارنايى ۇندەۋ جولداپ، قاجەتتى ءشوپتى جيناپ الۋ ءۇشىن ىشكى بارلىق رەسۋرستاردى پايدالانۋدى تاپسىرعان بولاتىن.

«بۇگىنگى تاڭدا تاۋ اڭعارلارىنان، ساي-سالا، وزەن ارنالارىنان قوسىمشا پىشەن دايىنداۋ جۇمىستارى باستالىپ كەتتى. بيىل سارىسۋ، مويىنقۇم جانە تالاس اۋداندارىنداعى شۋ، تالاس جانە اسا وزەندەرىنىڭ بويىنداعى ءونىم وتكەن جىلمەن سالىستىرعاندا جوعارى بولعاندىقتان، ءىرى شارۋا قوجالىقتارعا ءشوپتى اتالعان اۋدانداردان ورىپ الۋ ۇسىنىلدى. بۇدان بولەك، كەيبىر اۋدانداعى شارۋالار ءوز مەنشىگىندەگى ساي- سالالاردى حالىققا ءبولىپ بەرىپ وتىر. وسىلايشا ءشوپ دايىنداۋ جۇمىستارى جۋالى تاعى ءبىر- ەكى اۋداندا ۇيىمداستىرىلۋدا. سونداي-اق ءبىزدىڭ باسقارما تاراپىنان وتكەن سەنبىدەن باستاپ بارلىق اۋدان ورتالىقتارىندا «جەم- ءشوپ ساتۋ» جارمەڭكەسىن وتكىزۋ قولعا الىندى»، - دەيدى وبلىس اكىمدىگى اۋىل شارۋاشىلىعى باسقارماسىنىڭ باسشىسى قايرات امانوۆ.

مال ازىعى باعاسىنىڭ نەگىزسىز شارىقتاپ كەتۋىنىڭ الدىن الۋ ماقساتىندا ۇيىمداستىرىلعان جارمەڭكە بارلىق اۋداندا ءار سەنبى سايىن وتكىزىلەدى.

ماسەلەن، وتكەن جارمەڭكەدە مويىنقۇم اۋدانىنا جەتكىزىلگەن ءبىر باۋ جوڭىشقا - 1000، پىشەن - 500، ءبىر وراما ءشوپ (رۋلون) - 3500 تەڭگەدەن وتكەرىلدى. جالپى جارمەڭكەگە 1600 باۋ پىشەن، 1000 باۋ جوڭىشقا جانە 500 وراما ءشوپ جەتكىزىلگەن. سول سياقتى تۇرار رىسقۇلوۆ اۋدانىندا وتكەن جارمەڭكەدە 36 توننا جوڭىشقا، 56 توننا پىشەن جانە 28 توننا سابان ساتىلعان. وبلىس اكىمدىگى اۋىل شارۋاشىلىعى باسقارماسى بۇل جارمەڭكەنىڭ الداعى اپتالاردا دا تۇراقتى ۇيىمداستىرىلاتىنىن جەتكىزدى.

اۆتور: سايا سەمباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات