21:32, 21 - شىلدە 2021 | GMT +6
جانىبەك ءالىمحان ۇلى وليمپيادا قارساڭىندا قازاقستاندىق بوكسشىلارعا ۇندەۋ جاسادى
نۇر-سۇلتان. قازاقپارات - قازاقستاندىق كاسىپقوي بوكسشى جانىبەك ءالىمحان ۇلى (10-0، 6 ك و) توكيوداعى وليمپيادا الدىندا بوكستان قازاقستان قۇراماسىنا تىلەگىن ايتىپ، جىگەرلەندىردى، دەپ حابارلايدى Vesti.kz.
«بوكستان قازاقستاننىڭ ۇلتتىق قۇراماسىنا وليمپيادا ويىندارىندا ساتتىلىك تىلەيمىن. التىن، التىن جانە التىن! ءبىزدىڭ كوماندا مىقتى. بىزگە مۇنى دالەلدەۋدىڭ قاجەتى جوق. مۇنى بۇكىل الەم بىلەدى. وليمپيادا التىنى سەندەر ءۇشىن جاسالدى، جىگىتتەر! سول التىن جۇلدەلەرىڭدى الىپ، ەلگە الىپ كەلىڭدەر»، - دەپ جازىپتى جانىبەك تۆيتتەر جەلىسىندە.