ەرالى توعجانوۆ كوروناۆيرۋستىڭ تارالۋىنا جول بەرمەۋ جونىندەگى ب ا ق وتىرىسىن وتكىزدى
وتىرىستا پرەزيدەنت قاسىم-جومارت توقايەۆتىڭ 19- شىلدەدەگى ەلدەگى ەپيدەميولوگيالىق جاعداي جونىندەگى كەڭەستە بەرگەن تاپسىرمالارىنىڭ ورىندالۋىن ۇيىمداستىرۋ ماسەلەلەرى قارالدى.
ۆيتسە-پرەمەر مەملەكەتتىك ورگاندار وكىلدەرىنىڭ باياندامالارىن تىڭداپ، قىسقا مەرزىمدە مەملەكەت باسشىسىنىڭ تاپسىرمالارىن ورىنداۋ بويىنشا كەلەسى شارالاردى قابىلداۋدى تاپسىردى:
- جاڭا شتاممداردىڭ پايدا بولۋىن ەسكەرە وتىرىپ، كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى جەدەل ءىس-قيمىلداردىڭ ناقتى جوسپارىن ازىرلەۋ جانە ەنگىزۋ؛
- «QazVac» وتاندىق ۆاكسيناسىن دۇنيەجۇزىلىك دەنساۋلىق ساقتاۋ ۇيىمىندا تىركەۋ جانە ونى ودان ءارى ءۇشىنشى ەلدەردىڭ نارىقتارىنا شىعارۋ ماسەلەسىن پىسىقتاۋ، وسى باعىتتا ناقتى جول كارتاسىن ازىرلەۋ؛
- كارانتيندىك شەكتەۋلەردى ساقتاۋعا قويىلاتىن تالاپتاردى قاتاڭداتۋ ماسەلەسىن پىسىقتاۋ؛
- ۆاكتسيناتسيالاۋ قارقىنى تومەن وڭىرلەرگە ادىستەمەلىك كومەك كورسەتۋ ءۇشىن كوشپەلى بريگادالاردى قالىپتاستىرۋ؛
- كوروناۆيرۋستى دياگنوستيكالاۋ مەن ەمدەۋ حاتتامالارىنا سايكەس رەانيماتسيا بولىمشەلەرى مەن جەدەل مەديتسينالىق كومەك قىزمەتتەرىن قوسىمشا جاراقتاندىرۋدى قامتاماسىز ەتۋ جونىندە ناقتى ۇسىنىستار ەنگىزۋ؛
- كوروناۆيرۋسپەن اۋىراتىن ناۋقاستاردى ەمدەۋ ءۇشىن «رەمدەسيۆير» پرەپاراتىن ورتالىقتاندىرىلعان ساتىپ الۋ ماسەلەسىن شەشۋ جونىندە شارالار قابىلداۋ؛
- ىشكى ىستەر مينيسترلىگى باسقا دا مۇددەلى مەملەكەتتىك ورگاندارمەن بىرلەسىپ، جالعان ۆاكتسيناتسيالاۋ پاسپورتتارىن جاساۋدىڭ جولىن كەسۋ جونىندەگى ۆەدومستۆوارالىق ارنايى توپ قۇرسىن؛
- سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى «اتامەكەن» ۇلتتىق پالاتاسىمەن جانە دەنساۋلىق ساقتاۋ مينيسترلىگىمەن بىرلەسىپ، بيزنەس سۋبەكتىلەرىن «Ashyq» باعدارلاماسىنا ەنگىزۋ جونىندەگى تالاپتاردى جەڭىلدەتسىن. ەرالى توعجانوۆ مونيتورينگتىك توپتار قىزمەتىنىڭ ماڭىزدىلىعىن اتاپ ءوتىپ، ءى ءى م مەن اكىمدىكتەرگە وسى باعىتتاعى جۇمىستى جانداندىرۋدى تاپسىردى.
بۇدان باسقا، ب ا ق «Ashyq» ارقىلى تىركەلگەن قوعامدىق ورىندارعا باراتىن «قىزىل» جانە «سارى» مارتەبەسى بار ادامدارعا قاتىستى شارالاردى قاتاڭداتۋ تۋرالى شەشىم قابىلدادى.
ەندى كارانتين رەجيمىنىڭ «قىزىل مارتەبەسى» بار قۇقىق بۇزۋشىلاردىڭ ەسىمدەرى بۇقارالىق اقپارات قۇرالدارىندا جاريالانادى. سونداي-اق، ۆيتسە-پرەمەر ە. توعجانوۆ مەملەكەتتىك ورگانداردىڭ باسشىلارى مەن وڭىرلەردىڭ اكىمدىكتەرىنە يممۋنداۋ تۇرعىسىنان ءتۇسىندىرۋ جۇمىستارىن كۇشەيتۋدى، سونداي-اق حالىقتى كوروناۆيرۋستىق ينفەكسيادان ۆاكسيناتسيالاۋمەن قامتۋدى ارتتىرۋ تۋرالى ناقتى تاپسىرمالار بەردى.