ىشكى ىستەر مينيسترلىگىنىڭ قىزمەتكەرلەرى كەزەكتى رەت قان تاپسىردى
قىزمەتكەرلەر ءى ءى م- ءنىڭ اۋماعىندا ورنالاسقان قان مەن ونىڭ كومپونەنتتەرىن قاۋىپسىز تاپسىرۋ ءۇشىن بارلىق جاعداي جاسالعان قان ورتالىعىنىڭ مامانداندىرىلعان اۆتوبۋسىندا تاپسىردى.
اكسيا كۇنى ءىىم ورتالىق اپپاراتىنىڭ 60 قا جۋىق قىزمەتكەرى قان تاپسىردى. قان ورتالىعىنا 26 ليتر قان جىبەرىلدى. ءى ءى م ەسىرتكى قىلمىسىنا قارسى ءىس-قيمىل دەپارتامەنتى باسقارماسى باستىعىنىڭ ورىنباسارى ليۋبوۆ دوسقاليەۆا تۇراقتى دونور بولىپ كەلە جاتقانداردىڭ ءبىرى.
قان حيرۋرگيالىق وپەراتسيالار جاساۋ جانە كۇيىككە شالدىققان ناۋقاستارعا كومەك كورسەتۋ كەزىندە قاجەت، سونداي-اق ونكولوگيالىق ناۋقاستاردىڭ ءومىرىن ساقتاۋعا جانە باسقا اۋرۋلاردى ەمدەۋدە ۇلكەن ءرول اتقارادى.
دونورلىق قان قورلارىن دەمالىس جانە جىل مەزگىلدەرىنە قاراماستان تۇراقتى تۇردە تولىقتىرۋ - ادامداردىڭ ءومىرى مەن دەنساۋلىعىن ساقتاۋدىڭ كەپىلى. سوندىقتان مينيسترلىك قىزمەتكەرلەرى دونورلىق اكسيالارعا قاتىسۋدى داستۇرگە اينالدىرعان.
- مەن ءۇشىن قان تاپسىرۋ وتە ماڭىزدى. ويتكەنى دونور ءراسىم ءۇشىن بەرگەن 450 ميلليليتر بىرەۋدىڭ ءومىرىن ساقتاپ قالۋى مۇمكىن، - دەيدى ەسىرتكى قىلمىسىنا قارسى ءىس-قيمىل دەپارتامەنتىنىڭ قىزمەتكەرى ريزا تولەۋباي.
ءوز كەزەگىندە ق ر د س م ترانسفۋزيولوگيا عىلىمي-وندىرىستىك ورتالىعىنىڭ مەديتسينا قىزمەتكەرلەرى ىشكى ىستەر مينيسترلىگىنىڭ دونورلارىنا العىس ءبىلدىردى.